دہشتگرد معصوم عوام کو خون میں نہلا رہے ہیں، الطاف حسین

ہفتہ 15 فروری 2014 12:03

لندن(اُردو پوائنٹ تازہ ترین اخبار۔ 15فروری 2014ء) ایم کیو ایم کے قائد الطاف حسین نے اورنگی ٹاؤن میں مومن آباد پولیس اسٹیشن پر ہونے والے دستی بم حملوں کی شدید الفاظ میں مذمت کرتے ہوئے کہا ہے کہ دہشت گرد معصوم عوام کو خون میں نہلا رہے ہیں۔لندن سے جاری بیان میں الطاف حسین کا کہنا تھا کہ سفاک دہشت گرد قانون نادذ کرنے والے اداروں کو نشانہ بنا رہے ہیں، دہشت گرد ملک و قوم کے کھلے دشمن ہیں۔

(جاری ہے)

ان کا کہنا تھا کہ دہشت گرد بے گناہ شہریوں کو خون میں نہلا رہے ہیں، صدرممنون حسین، وزیراعظم نواز شریف اور وزیرداخلہ چوہدری نثار علی خان اورنگی ٹاؤں میں پولیس اسٹیشن پر ہونے والے حملے کا فوری نوٹس لیں اور دہشت گردوں کے خلاف سخت کارروائی عمل میں لائی جائے۔ واضح رہے کہ ہفتہ کی صبح اورنگی ٹاؤں نمبر 4 میں مومن آباد پولیس اسٹیشن پر یکے بعد دیگرے 2 دستی بم حملوں میں 4 افراد زخمی ہوئے تھے۔

Facebook Twitter Google + Share on Whatsapp

دہشتگرد معصوم عوام کو خون میں نہلا رہے ہیں، الطاف حسین

متعلقہ عنوان :

مزید اہم خبریں