محکمہ زراعت کی ترقی کے لئے ذیلی ورکنگ گروپ کی تشکیل، سرکاری محکموں کو فعال بنانے اور مختلف شعبوں کو جدید خطوط پر استوار کرنے کے لئے ہنگامی اقدامات اٹھا رہی ہے،شہرام خان ترکئی
منگل 11 فروری 2014 20:43
پشاور(اُردو پوائنٹ اخبار تازہ ترین۔11 فروری ۔2014ء) خیبر پختونخوا کے وزیر زراعت اور انفارمیشن ٹیکنالوجی شہرام خان ترکئی نے کہا ہے کہ سرکاری محکموں کو فعال بنانے اور مختلف شعبوں کو جدید خطوط پر استوار کرنے کے لئے صوبائی حکومت ہنگامی اقدامات اٹھا رہی ہے تاکہ عوام کو مسائل سے جلد چھٹکارا مل سکے۔ ان خیالات کا اظہار انہوں نے پشاور میں محکمہ زراعت کے ورکنگ گروپ کے اجلاس کی صدارت کے دوران کیا۔
اجلاس میں سیکرٹری زراعت حسین زادہ خان،چیف پلاننگ آفیسر احمد سعید ،وی سی زرعی یونیورسٹی ظہور احمد سواتی،ڈی جی لائیو سٹاک توسیع ڈاکٹر شیر محمد،ڈی جی ریسرچ ڈاکٹر غفران اللہ،ورکنگ گروپ کے ممبران ڈاکٹر افتخار احمد،عارف ندیم اور ڈاکٹر عظیم سمیت دیگر ممبران اور افسران نے شرکت کی۔(جاری ہے)
اجلاس میں اصلاحات کے ذریعے زراعت کے شعبہ کو ترقی کی جانب گامزن کرنے،محکمہ کی استعداد کار بہتر بنانے اور آئندہ کے منصوبوں کے لئے حکمت عملی وضع کرنے سے متعلق تفصیلی تبادلہ خیال کیا گیا۔
اس موقع پر عارف ندیم،ڈاکٹر ظہور احمد سواتی،ڈاکٹر افتخار،وسیم اختر،ڈاکٹر حبیب اور ڈاکٹر ندیم امجد کی سربراہی میں زراعت اور لائیو سٹاک کے مختلف شعبوں کے لئے چھ ذیلی ورکنگ گروپ تشکیل دئیے گئے۔یہ گروپ اپنے اپنے شعبوں کو جدید تقاضوں سے ہم آہنگ بنانے اور ترقی میں حائل رکاوٹوں کو دور کرنے سے متعلق اپنی ماہرانہ تجاویز اور آراء تیار کر کے ورکنگ گروپ کے آئندہ اجلاس میں پیش کریں گے جن پر پالیسی کے مطابق غور و خوض ہوگا۔وزیر زراعت نے اظہار خیال کرتے ہوئے کہا کہ حکومت نے اصلاحاتی ایجنڈے کے تحت مختلف شعبوں میں بہتری لانے کے لئے ورکنگ گروپ قائم کئے ہیں اور حکومت ان گروپوں میں شامل ماہرین کی آراء کو نہ صرف قدر کی نگاہ سے دیکھتی ہے بلکہ ان کے تجربات سے استفادہ کرتے ہوئے عوامی شعبوں کو عوام کی امنگوں کے مطابق گامزن کرنا چاہتی ہے۔انہوں نے کہا کہ ماضی کی ناقص منصوبہ بندی اور عدم توجہ کے باعث شعبہ زراعت مطلوبہ اہداف سے محروم ہے تاہم اب سوچ میں تبدیلی لاتے ہوئے باہمی روابط کے ذریعے فوری قدم اٹھانے کی ضرورت ہے انہوں نے کہا کہ عوامی مشکلات اور بڑھتی ہوئی ضروریات کے پیش نظر مزید تاخیر کی گنجائش نہیں ہے انہوں نے متعلقہ افسران کو ہدایت کی کہ وہ روابط کے ذریعے اپنے اپنے محکموں کی کارکردگی کو مثالی بنانے میں اپنا کردار اداکریں۔مزید قومی خبریں
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
-
وزیر صحت خواجہ سلمان رفیق کا آپریشن تھیٹرز پر جاری پیش رفت کا جائزہ لینے کیلئے پی آئی سی کا دورہ
-
صوبائی وزیر صنعت و تجارت چوہدری شافع حسین کا رایہ گولف اینڈ کنٹری کلب ڈیفنس کا دورہ
-
جعلی ادویات کی فروخت میں ملوث میڈیکل اسٹور منیجر گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.