پاکستان کو درپیش مشکلات سے نکالنے ، معاشی اور سیاسی مسائل پر قابو پانے کیلئے نتیجہ خیز وژن کی ضرورت ہے ،ڈاکٹر ثمر مبارک مند ،تمام مشکلات اور مسائل کے باوجود پاکستان نے سائنس اور ٹیکنالوجی کے میدان میں خاطر خواہ کامیابی حاصل کی ،پاکستان میں پائے جانیوالے معدنیات معیشت کیلئے کارآمد ثابت ہوسکتے ہیں، بروئے کار لا کر زرمبادلہ بھی کمایا جاسکتا ہے ، غلام اسحاق خان انسٹی ٹیوٹ آف انجینئرنگ ، سائنسز اینڈ ٹیکنالوجی میں تقریب سے خطاب
منگل 11 فروری 2014 20:41
صوابی(اُردو پوائنٹ اخبار تازہ ترین۔11 فروری ۔2014ء) پاکستان کے نامور سائنسدان ڈاکٹر ثمر مبارک مند نے کہا ہے کہ پاکستان کو درپیش مشکلات سے نکالنے ، معاشی اور سیاسی مسائل پر قابو پانے کے لئے ایک نتیجہ خیز وژن کی اشد ضرورت ہے ۔ان خیالات کااظہار انہوں نے گزشتہ روز غلام اسحاق خان انسٹی ٹیوٹ آف انجینئرنگ سائنسز اینڈ ٹیکنالوجی میں سوسائٹی آف مکینکل انجینئرز آف پاکستان جی آئی کے انسٹیٹیوٹ چیپٹر کی اختتامی تقریب میں بحیثیت مہمان خصوصی اپنے خطاب میں کیا جس میں مختلف یونیورسٹیوں سے تعلق رکھنے والے سکالر ز اور طلبہ نے بھی شرکت کی۔
ڈاکٹر ثمر مبارک مند نے اپنے خطاب میں کہا کہ تمام تر مشکلات اور مسائل کے باوجود پاکستان نے سائنس اور ٹیکنالوجی کے میدان میں خاطر خواہ کامیابی حاصل کی ہے۔(جاری ہے)
مجھے امید ہے کہ جو پاکستانی دُنیا کے مختلف ممالک میں کام کر رہے ہیں وہ ایک دن ضرور اپنے وطن عزیز کو واپس لوٹیں گے۔اور اپنے ملک کی خدمت کر تے ہوئے اس کو مختلف شعبوں میں خوشحالی اور کامرانی سے ہمکنار کرینگے۔
انہوں نے کہا کہ ہمیں اپنی معیشت کو مستحکم بنانے کے لئے کئی اقدامات کر نے ہونگے انہوں نے پاکستان میں پائے جانے والے مختلف معدنیات کا ذکر کرتے ہوئے کہا کہ یہ معدنیات پاکستان کی معیشت کے لئے کار آمد ثابت ہو سکتے ہیں جب کہ ان معدنیات کو بروئے کار لانے سے ملک کافی زر مبادلہ بھی کما سکتا ہے جب کہ ان معدنیات سے بنے ہوئے مختلف قسم کے اشیاء بھی باہر ممالک بھیج دیئے جاسکتے ہیں۔انہوں نے کہا کہ تھر پاؤر پراجیکٹ سے اس سال کے آخر تک بجلی کی پیداوار شروع ہو جائے گی جو ملک میں انرجی کے بحران پر قابو پانے کے لئے ایک بڑا اقدام ثابت ہو گا۔ اس موقع پر ڈاکٹر محمدعابد نے اپنے خطاب میں ڈاکٹر ثمر مبارک مند کو خراج تحسین پیش کر تے ہوئے ان کی ملک کے لئے خدمات کو سراہا سوسائٹی کے کواڈنیٹر احمد نبی نے بھی اپنے خیالات کااظہار کیا جب کہ تقریب کے اختتام پر ڈاکٹر ثمر مبارک مند نے نمایاں کارکردگی دکھانے والے طلبہ میں سرٹیفکیٹ اور شیلڈ ز تقسیم کئے۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.