لاہور،بادامی باغ میں خاوند نے گھریلو جھگڑے پر بیوی ، بیٹے، سالے اور سالی پر تیزاب پھینک دیا ،وزیر اعلیٰ نے نوٹس لے لیا،ناصر کی چار سال قبل سکینہ سے شادی ہوئی ،نشے کا عادی اور مارپیٹ کے باعث سکینہ ناراض ہو کر ماں باپ کے گھر آئی ہوئی تھی
اتوار 9 فروری 2014 22:29
لاہور(اُردو پوائنٹ اخبار تازہ ترین۔9 فروری ۔2014ء) بادامی باغ کے علاقے میں خاوند نے گھریلو جھگڑے پر بیوی ، بیٹے، سالے اور سالی پر تیزاب پھینک دیا جنہیں طبی امداد کے لئے میو ہسپتال داخل کرا دیا گیا ، وزیر اعلیٰ پنجاب نے واقعے کا نوٹس لیتے ہوئے رپورٹ طلب کر لی ۔ بتایا گیا ہے کہ بادامی باغ کے ناصر کی چار سال قبل سکینہ سے شادی ہوئی تھی ۔ سکینہ کے گھر والوں کے مطابق ناصر نشے کا عادی ہے اور اسی وجہ سے اپنے اہلیہ سے مار پیٹ کرتا تھا ۔
کچھ ر وز قبل سکینہ ناراض ہو کر میکے آ گئی اور اتوار کے روز ناصر اپنے سسرال کے گھر آیا اور تیزاب سے بھرا برتن سکینہ پر پھینک دیا جس سے قریب موجود اس کا بیٹا ابراہیم ، سالہ اور سالی بھی جھلس گئے جبکہ ملزم موقع سے فرا رہو گیا ۔زخمیوں کو طبی امداد کے لئے فوری طور پر ہسپتال پہنچا دیا گیا ۔(جاری ہے)
اطلاع ملتے ہی پولیس کی نفری بھی ہسپتال پہنچ گئی جنہوں نے زخمیوں کے بیانات قلمبند کر لئے ہیں۔
پولیس کے مطابق ملزم کے خلاف دہشتگردی ایکٹ کے تحت کارروائی عمل میں لائی جائے گی ۔ وزیر اعلیٰ پنجاب نے واقعے کا نوٹس لیتے ہوئے آئی جی پنجاب سے رپورٹ طلب کر لی ہے اور ہدایت کی ہے کہ ملزم کے خلاف قانون کے مطابق سخت کارروائی عمل میں لائی جائے۔ دریں اثناء وزیر اعلیٰ کے مشیر برائے صحت خواجہ سلمان رفیق نے ہسپتال کا دورہ کر کے زخمیوں کی عیادت کی اور انہیں یقین دہانی کرائی کہ ملزم کو انصاف کے کٹہرے میں لایا جائیگا۔متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.