شریعت کا نفاذ آئین کا تقاضاہے ، دینی جماعتیں73ء کے آئین کے تحفظ کی ذمہ داری نبھائیں‘ سراج الحق،امریکہ کسی صورت پسند نہیں کریگا اس کے بٹھائے ہوئے لوگ اس کے احکامات سے روگردانی کریں ‘ سینئر صوبائی وزیر
اتوار 9 فروری 2014 22:29
دیر(اُردو پوائنٹ اخبار تازہ ترین۔9 فروری ۔2014ء) سینئر وزیر خیبر پختونخوا و نائب امیر جماعت اسلامی پاکستان سراج الحق نے کہا ہے کہ پاکستان میں شریعت کا نفاذ آئین کا تقاضاہے ، 1973 کا آئین بنانے میں دینی جماعتوں کے علمائے کرام نے بنیادی کردار ادا کیا تھا اس کا تحفظ کرنا بھی دینی جماعتوں کی بنیادی ذمہ داری ہے، امریکہ کسی صورت بھی پسند نہیں کرے گا کہ اس کے بٹھائے ہوئے لوگ اس کے احکامات سے روگردانی کریں ، دینی جماعتوں کا فرض ہے کہ وہ طالبان سے مذاکرات کو آگے بڑھائیں ۔
ملک میں آئین و دستور کا تحفظ انہی لوگوں کا فرض ہے جنہوں نے اس ملک کو اسلام کے عملی نفاذ کے لیے حاصل کیا تھا ۔وہ سیرت النبی ﷺ کانفرنس سے خطاب کرر ہے تھے ۔ کانفرنس سے امیر جماعت اسلامی دیر بالا صاحبزادہ فصیح اللہ ، مولانا دین محمد ،ممتاز علی اور دیگر مقررین نے بھی خطاب کیا۔(جاری ہے)
سراج الحق نے کانفرنس سے خطا ب کر تے ہوئے کہاکہ حکومتیں اور افواج پاکستان بارہ سال سے دہشتگردی کے خاتمہ کے لیے طاقت کا استعمال کر رہی ہیں لیکن دہشتگردی ، تخریب کاری ، ردعمل ، انتقامی کاروائیاں بڑھتی جارہی ہیں ۔
ملک کا انگ انگ زخمی ہے ۔ دشمن ملک کو ناکام ریاست ثابت کرنے میں کامیاب ہورہاہے اس لیے یہ امر واقعہ ہے کہ بارہ سال سے جاری پالیسی ناکام ہے ۔ انہوں نے کہاکہ قومی سلامتی اور داخلہ و خارجہ پالیسی ترتیب دینے کی نئی حکمت عملی بنائی جائے ۔ پوری قوم کو دشمن کے خلاف متحد کیا جائے ۔ انہوں نے کہاکہ خیبرپختونخوا میں مخلوط حکومت میں کرپشن سے معاشرے کے تشکیل کے لیے شامل ہوئے ہیں ۔ ہم صوبے میں میرٹ وقانون کی بالادستی چاہتے ہیں۔ انہوں نے کہاکہ ملک کا سب سے بڑا مسئلہ کرپشن ہے ۔ جب تک کرپشن کا دروازہ بند نہیں ہوتا ، ساری دنیا کی دولت بھی جمع کر لی جائے ، تب بھی حکمران بھکاری ہی رہیں گے ۔ یہاں ہر قومی ادارہ کرپشن اور لوٹ مار کا گڑھ بن چکاہے ۔ اربوں کھربوں روپے قومی خزانے کے لوٹے جاچکے ہیں جن پر کرپشن ثابت بھی ہو جائے تو وہ سزا سے بچ جاتے ہیں ۔مزید اہم خبریں
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے کے موقع پر گفتگو
-
آئی ایم ایف کے ساتھ نئے پروگرام کیلئے اسٹاف لیول معاہدہ جون تک کرنا چاہتے ہیں، وفاقی وزیر خزانہ
-
اپریل کو سندھ بھر میں عام تعطیل کا اعلان
-
فرانس: بالوں سے متعلق امتیازی سلوک ختم کرنے کا نیا قانون
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
بھائی کے ہاتھوں قتل ہونے والی ماریہ کی ابتدائی میڈیکل رپورٹ منظر عام پر آگئی
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
اللہ کو حاضر ناظرجان کر کہتا ہوں کسی کے ساتھ کوئی ناانصافی نہیں کی ،چیف جسٹس پشاور ہائیکورٹ
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.