سندھ دھرتی سے تجدید عہد وفا کے لیے دھرتی ماں کے سپوت کل اپنی قوت کا مظاہرہ کریں گے ،ڈاکٹرقادر مگسی
ہفتہ 8 فروری 2014 17:20
کراچی (اُردو پوائنٹ تازہ ترین اخبار۔ 8فروری 2014ء) سندھ ترقی پسند پارٹی کے سربراہ ڈاکٹر قادر مگسی نے کہا ہے کہ سندھ دھرتی سے تجدید عہد وفا کے لیے دھرتی ماں کے سپوت (اتوار) کراچی میں اپنی قوت کا مظاہرہ کریں گے ۔سندھ یکجہتی ریلی کا آغاز اتوار کو دوپہر 12بجے گلشن حدید سے ہوگا ،جو مختلف راستوں سے ہوتے ہوئی مزار قائد اعظم پہنچے گی ،جہاں پر ریلی کے شرکاء پیدل تبت سینٹر تک مارچ کریں گے اور پھر تبت سینٹر پر تاریخی جلسہ عام منعقد کیا جائے گا ،جس میں شریک رہنما اور عوام اس عزم کا اعادہ کریں گے کہ سندھ دھرتی کی تقسیم کے خلاف کسی سازش کو قبول نہیں کیا جائے گا اور اگر سندھ کی تقسیم کے حوالے سے کوئی سازش کی گئی تو ہم اپنی جانوں کا نذرانہ دے کر اپنی دھرتی کی حفاظت کریں گے ۔
ان خیالات کا اظہار انہوں نے ہفتہ کو کراچی پریس کلب میں پریس کانفرنس سے خطاب کرتے ہوئے کیا ۔(جاری ہے)
انہوں نے کہا کہ سندھ وفاق کی اکائی ہے اور سندھ کے وسائل پر سندھ کے اصل باشندوں کا حق ہے ،جو انہیں دینا چاہیے ۔انہوں نے کہا کہ سندھ کے باشندے لسانی تقسیم کے خلاف ہیں ۔ہم تمام قومتیوں کا احترام کرتے ہیں اور ہمارا صرف ایک ہی عزم ہے کہ سندھ سدا آباد رہے ۔
انہوں نے کہا کہ ایم کیو ایم کی سیاست سندھ کے مفادات کے منافی ہے ۔جس دن الطاف حسین نے سندھ ون اور سندھ ٹو کا نعرہ لگایا تھا ہم نے اسی دن اس کو مسترد کردیا تھا ۔انہوں نے کہا کہ ہم سندھ کی تقسیم کے خلاف ہونے والی سازشوں کو مسترد کرتے ہیں اور ان سازشوں کا ڈٹ کر مقابلہ کیا جائے گا ۔انہوں نے کہا کہ سندھ سے غیر قانونی تارکین وطن کو نکالا جائے اور سندھ کے عوام کو ان کا حق دیا جائے ۔انہوں نے کہا کہ سندھ میں ناچ گانے کی محفلوں کی حفاظت کے لیے رینجرز اور پولیس تعینات ہوتی ہے لیکن سندھ مں امن کے لیے کوئی اقدامات نہیں کیے جارہے ہیں اور سندھ کے عوام لٹیروں کے سامنے بے بس ہے ۔لہذا حکومت سندھ کی ذمہ داری ہے کہ وہ سندھ کے عوام کا تحفظ ہے اور اتوار کو نکالی جانے والی ریلی کی حفاظت کا مناسب انتظام کیا جائے ۔انہوں نے کہا کہ ریلی میں کوئی ناخوشگوار واقعہ پیش آیا تو اس کی ذمہ دار حکومت سندھ ہوگی ۔انہوں نے سندھ سے محبت کرنے والی جماعتوں اور عوام سے اپیل کی کہ وہ بھرپور انداز میں ریلی میں شریک ہوں اور ریلی میں شرکت کرکے اس بات کا ثبوت دیں کہ سندھ دھرتی ہماری ماں ہے ۔ماں کی تقسیم کوئی نہیں چاہتا ہے اور نہ ماں تقسیم ہوسکتی ہے ۔انہوں نے کہا کہ ریلی کے شرکاء اس بات کا عزم ظاہر کریں گے کہ وہ سندھ کی یکجہتی کے لیے ایک ہیں ۔متعلقہ عنوان :
مزید اہم خبریں
-
ترسیلات زر کے حجم میں 28 فیصد اضافہ ہو گیا
-
عرس کی تقریبات میں بھگدڑ، اموات ہونے کی اطلاعات
-
عالمی مسائل سے نمٹنے میں کثیر فریقی کوششیں تیزکرنے کی ضرروت: گوتیرش
-
قوم پر مسلط لوگوں نے کسی حلقہ میں بھی 30 فیصد ووٹ نہیں لیے
-
پی ٹی اے اور ٹیلی کام کمپنیاں روزانہ 5 ہزار نان فائلرز کی سمز بند کرنے پر متفق
-
ٴمعاشی استحکام کے باوجود پاکستانی معیشت کو بڑے خطرات کا سامنا ہے
-
مذاکرات کی ابتدا حکومت کو کرنی ہے کیونکہ مذاکرات کی بال حکومتی کورٹ میں ہے
-
فوج اور سیاسی جماعتوں کے درمیان براہ راست مذاکرات کی آئین میں گنجائش نہیں
-
کتنی پنشن لینے والوں پر ٹیکس لگے گا؟ تفصیلات سامنے آ گئے
-
دیامر بھاشا ڈیم کی تعمیر میں تاخیر کا خدشہ پیدا ہو گیا
-
رواں سال پاکستان کی معاشی ترقی 2 فیصد رہنے کا امکان ہے
-
آئندہ مالی سال میں پاکستان کو بیرونی فنانسنگ کیلئے 23 ارب ڈالرز کا تخمینہ لگا لیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.