شانگلہ، برفانی تودہ گرنے سے گھر میں موجود 18 افراد دب گئے

جمعہ 7 فروری 2014 16:20

شانگلہ(اُردو پوائنٹ تازہ ترین اخبار۔ 7فروری 2014ء) شانگلہ میں برفانی تودہ گرنے سے گھر میں موجود 18 افراد دب گئے۔ ادھر ہنزہ نگر میں پہاڑ سرکنے سے مقامی آبادی میں خوف و ہراس پھیل گیا۔ ملک کے بالائی علاقوں میں بارشوں اور برف باری کے بعد لینڈ سلائیڈنگ کا سلسلہ شروع ہوگیا۔ شانگلہ میں بالائی مقام سابنی میں گھر پر برفانی تودہ آ گرا جس سے 18 افراد دب گئے۔

(جاری ہے)

پولیس اور مقامی افراد امدادی کار روائیوں میں مصروف ہیں۔ دوسری جانب عطا آباد جھیل کے قریب ہنزہ نگر کے علاقے میاچھر میں پہاڑ اپنی جگہ سے سرکنے لگا جس سے مقامی آبادی میں شدید خوف و ہراس پایا جاتا ہے۔ لینڈ سلائیڈنگ کے باعث میاچھر کا دیگر علاقوں سے زمینی رابطہ منقطع ہو چکا ہے۔ زیر کاشت زمین اور درختوں کو بھی بڑے پیمانے پر نقصان پہنچنے کا خدشہ ہے۔ جیالوجیکل ماہرین علاقے کو عطا آباد سے زیادہ خطر ناک قرار دے چکے ہیں۔ مقامی افراد نے حکومت سے بر وقت اقدامات اُٹھانے کی اپیل کی ہے۔

Facebook Twitter Google + Share on Whatsapp

شانگلہ، برفانی تودہ گرنے سے گھر میں موجود 18 افراد دب گئے

مزید اہم خبریں