حکومتی اور طالبان کی مذاکراتی کمیٹی کے درمیان ملاقات کے طریقہ کار اور ابتدائی امور طے پا گئے

بدھ 5 فروری 2014 15:22

اسلام آباد (اُردو پوائنٹ تازہ ترین اخبار۔ 5 فروری 2014ء) حکومتی اور طالبان کی مذاکراتی کمیٹی کے درمیان ملاقات کے طریقہ کار اور ابتدائی امور سے متعلق بیک ڈور چینل کے ذریعے معاملات طے ہوگئے ہیں اور دونوں کمیٹیوں سے اس بات پر اتفاق کیا ہے کہ آئندہ 48 سے 72 گھنٹے میں اسلام آباد میں اہم ملاقات ہوگی جس میں مذاکرات کے حوالے سے نکات کو حتمی شکل دی جائیگی۔

(جاری ہے)

حکومتی ذرائع نے بتایا کہ دونوں جانب سے ابتدائی رابطے میں اس بات پر اتفاق کیا گیا کہ فریقین ملاقات کے بعد تحریری ضمانت دیں گے کہ مذاکراتی عمل کے آخری نتیجے تک ایک دوسرے پر حملے نہیں کیے جائیں گے اور دونوں جانب سے کوئی بھی فریق ایک دوسرے کے خلاف بیان بازی نہیں کریگا ان نکات پر تحریری معاہدہ ہونے کے بعد یہ طے کیا جائے گا کہ آئین کے دائرہ کار میں رہتے ہوئے طالبان اپنی کمیٹی کے ذریعے شرائط یا پالیسی سے حکومتی کمیٹی کو آگاہ کریں گے اور حکومتی کمیٹی ان شرائط کے حوالے سے وزیر اعظم اور وفاقی حکومت کو اعتماد میں لے کر اس حوالے سے حکومتی پالیسی سے طالبان کمیٹی کو آگاہ کریگی۔

Facebook Twitter Google + Share on Whatsapp

حکومتی اور طالبان کی مذاکراتی کمیٹی کے درمیان ملاقات کے طریقہ کار اور ابتدائی امور طے پا گئے

متعلقہ عنوان :

مزید اہم خبریں