لیبر قوا نین پر عملدرا ٓمد نہ کر نے وا لی تما م فیکٹریو ں کے خلا ف کا ر وا ئی کی جا ئے ۔نو ر محمد لغا ر ی
بدھ 5 فروری 2014 15:17
کراچی(اُردو پوائنٹ تازہ ترین اخبار۔ 5 فروری 2014ء سیکرٹری محنت حکومت سندھ نور محمد لغاری نے کہا ہے کہ حکومت صوبے میں پیشہ وارانہ صحت و سلامتی سے متعلق تمام امور کی انجام دہی کے لئے پابند ہے۔ محنت کشوں کی صحت و سلامتی کے لئے حکومت تمام وسائل کو بروئے کار لائے گی۔ انہوں نے محکمے کے تمام افسران کو ہدایات کی کہ وہ صوبے کی تمام نئی اور پرانی فیکٹریوں کے دورے کریں اور وہاں کام کرنے والے ملازمین کی صحت اور سلامتی کو نہ صرف یقینی بنائیں بلکہ محنت کشوں کے لئے بنائے گئے قوانین پر عمل درآمد کو بھی یقینی بنائیں۔
ان خیالات کا اظہار انہوں نے منگل کو محکمہ محنت میں منعقدہ جوائنٹ ایکشن پلان برائے پیشہ وارانہ صحت و سلامتی کے تحت قائم شدہ اسٹیرنگ کمیٹی کے اجلاس سے خطاب کرتے ہوئے کیا۔(جاری ہے)
اجلاس میں انٹرنیشنل لیبر آرگنائزیشن کے کنٹری ڈائریکٹر فرانسیسیکو ڈی او ویڈیو، ایمپلائیز فیڈریشن آف پاکستان کے صدرخواجہ نعمان، پاکستان ورکرز فیڈریشن کے ریجنل جنرل سیکرٹری قاضی تنویر احمد نے اپنے اپنے وفود جبکہ لیبر ڈائریکٹر پائیلر، سیسی، اوکیوپیشنل سیفٹی اینڈ ہیلتھ کنسلٹنٹ اور پی اینڈ ڈی کے نمائندوں سمیت دیگر نے شرکت کی۔
اس موقع پر نور محمد لغاری نے محکمہ محنت کے افسران کو خصوصی ہدایات کی کہ صوبے میں قائم جو فیکٹریاں قوانین کے برخلاف اور ملازمین کی صحت اور سلامتی کے امور کو مدنظر نہیں رکھ رہی ان کے خلاف فوری کارروائی کی جائے۔ اجلاس میں تفصیلی مشاورت کے بعد فیصلہ کیا گیا کہ صوبے میں پیشہ وارانہ صحت و سلامتی کے متعلق پالیسی کا حتمی ڈرافٹ آئندہ ایک ماہ کے اندر تیار کرکے اسے منظوری کے لئے صوبائی کابینہ میں پیش کیا جائے گا۔ اجلاس میں یہ بھی طے کیا گیا کہ صوبے میں قائم تمام پرانی فیکٹریوں کی ازسر نو سروے کیا جائے گا اور وہاں کام کرنے والے ملازمین کی صحت و سلامتی کے بارے میں نکات کا جائزہ لیا جائے گا۔ اجلاس میں موجود تمام فریقین نے یہ بھی منظور کیا کہ اس جوائنٹ ایکشن پلان پر کامیابی سے عمل درآماد کے لئے درکار فنڈز کے حصول کے لئے تمام ممکنہ ذرائع اختیار کئے جائیں گے۔جبکہ اجلاس میں موجود شرکا نے اس بات پر بھی اتفاق کیا کہ جوائنٹ ڈائریکٹر محنت سید علی اشرف نقوی کو جوائنٹ ایکشن پر کامیابی سے عمل درآمد کے لئے فوکل پرسن کے طور پر نامزد کیا گیا ہے۔ اجلاس میں تمام فریقین نے سیکرٹری محنت کواپنے بھرپور تعاون کی یقین دہانی کرائی اور صوبے میں کام کرنے والے ملازمین کی صحت اور سلامتی کے لئے کئے جانے والے تمام اقدامات میں اپنے بھرپور ساتھ کا یقین دلایا۔متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.