پنجاب اسمبلی کی پبلک اکاؤنٹس کمیٹی کا از خود اختیارات کیلئے حکومت سے بات کرنے کا فیصلہ ،تونسہ بیراج کے توسیعی منصوبے کی بروقت تعمیر نہ ہونیکی وجہ سے2500ملین سے زائد کے اضافی خراجات کے انکشاف پر برہمی کااظہار ،صوبے کا خزانہ کسی کی جاگیر نہیں ،منصوبوں میں ردوبدل کرکے کمیشن بنائی جاتی ہے جو غر یب عوام کے ساتھ ظلم ہے‘ میاں محمود الرشید
منگل 4 فروری 2014 20:21
لاہور(اُردو پوائنٹ اخبار تازہ ترین۔4 فروری ۔2014ء) پبلک اکاؤنٹس کمیٹی ون کے چےئر مین میاں محمود الر شید نے تونسہ بیراج کے توسیعی منصوبے کے ڈائزین میں بار بار تبد یلی اور بروقت تعمیر نہ ہونے کی وجہ سے2500ملین روپے سے زائد کے اضافی خراجات کے انکشاف پر سخت اظہار برہمی کااظہار کرتے ہوئے کہا ہے کہ صوبے کا خزانہ کسی کی جاگیر نہیں ،منصوبوں میں ردوبدل کرکے کمیشن بنائی جاتی ہے جو غر یب عوام کے ساتھ ظلم ہے ،چیئرمین پبلک اکاؤنٹس کمیٹی نے کہا ہے کہ از خود نوٹس کے اختیارات کیلئے بھی حکومت سے بات کی جائے گی ۔
پبلک اکاؤنٹس کمیٹی ون کا اجلاس میاں محمود الرشید کی صدارت میں منعقد ہوا ۔اجلاس میں کمیٹی کے ممبران ڈاکٹر وسیم اختر، سبطین خان، قاضی عدنان ، میاں رفیق احمد، وارث کلو سمیت دیگر نے شرکت کی ۔(جاری ہے)
جس میں آڈیٹر جنرل اصغرعلی اور ڈی جی آڈٹ ورکس افتخار احمد نے کمیٹی کو مختلف منصوبوں کے آڈٹ کے حوالے سے بریفنگ دی ۔اجلاس کو بتایا گیاکہ تونسہ بیراج کا منصوبہ 779ملین روپے کی لاگت سے دسمبر 2004ء میں مکمل ہونا تھا لیکن منصوبے کے ڈیزائن میں بار بار تبدیلی اور تاخیر کی وجہ سے منصوبے پر 10ہزار 2سو 98ملین کے اخراجات ہوئے اور منصوبہ 2009-10میں مکمل ہوا ہے ۔
کمیٹی کے چیئرمین میاں محمود الرشید نے سخت اظہار برہمی کرتے ہوئے کہاکہ صوبے کا خزانہ کسی کی جاگیر نہیں اور منصوبوں میں ردوبدل کرکے کمیشن بنائی جاتی ہے جو غر یب عوام کے ساتھ ظلم ہے ۔اجلاس کے بعد میڈیا کو بریفنگ دیتے ہوئے اپوزیشن لیڈر میاں محمود الرشید نے کہاکہ اس میں کوئی شک نہیں کہ چیئرمین پبلک اکاؤنٹس کمیٹی کے پاس از خود نوٹس کے اختیارات ہونے چاہئیں اس کیلئے ہم نے فیصلہ کیا ہے کہ حکومت سے بات چیت کی جائے گی کیونکہ جب ہمارے پاس از خود نوٹس کے اختیارات آ جائیں گے تو کام زیادہ بہتر انداز میں کام کیاجا سکے گا۔انہوں نے کہاکہ ہم کسی بھی منصوبے میں کرپشن کو برداشت نہیں کریں گے اور ہر صورت اس بات کو یقینی بنایاجائے گا کہ منصوبوں میں کرپشن ختم کرکے شفافیت کو یقینی بنایا جائے ۔ایک سوال کے جواب میں ان کاکہنا تھاکہ طالبان کی مذاکراتی کمیٹی میں شامل نہ ہونے کا تحریک انصاف کا فیصلہ درست ہے اور طالبان کو چاہیے کہ وہ اپنے نمائندوں پر مشتمل کمیٹی بنائیں تاکہ مذاکرات کا بہتر انداز میں آغاز ہو سکے ۔ انہوں نے کہاکہ تحریک انصاف کل بھی طالبان سے مذاکرات کی حامی تھی اور آج بھی ہے ہم طالبان سے مذاکرات کو سپورٹ کرتے ہیں اور ہماری دعا ہے کہ مذاکرات کامیا ب ہو جائیں۔متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.