پاکستان پیپلز پارٹی اور صحافی برادری ایک دوسرے کے مشکلات وقت کے ساتھی ہیں،شرجیل میمن ،جب بھی ملک میں جمہوریت پر شب و خون مارا گیا دونوں نے مل کر آمروں کے خلاف جدوجہد کی،کراچی پریس کلب میں میڈیا سے بات چیت
منگل 4 فروری 2014 20:19
کراچی (اُردو پوائنٹ اخبار تازہ ترین۔4 فروری ۔2014ء) سندھ کے وزیر اطلاعات و بلدیات شرجیل انعام میمن نے کہا ہے کہ پاکستان پیپلز پارٹی اور صحافی برادری ایک دوسرے کے مشکلات وقت کے ساتھی ہیں۔ جب بھی ملک میں جمہوریت پر شب و خون مارا گیا دونوں نے مل کر آمروں کے خلاف جدوجہد کی۔پیپلز پارٹی جب بھی اقتدار میں آئی ہے اس نے اپنے صحافی بھائیوں کی فلاح و بہبود کے لئے کام کیا ہے اور صحافیوں کو پلاٹس اور دیگر مراعاتیں جو ان کا حق ہے انہیں دی ہیں۔
کراچی پریس کلب کے 200 صحافیوں کو ملیر میں پلاٹس دئیے جارہے ہیں اور باقی مانند 138 صحافیوں کو بھی آئندہ 2 ماہ کے دوران پلاٹس دئیے جائیں گے۔ کراچی پریس کلب کو 10 لاکھ روپے کی خصوصی گرانٹ اس وقت دی جارہی ہے اور ان کے دیگر مسائل کے حل کے لئے وزیر اعلیٰ سندھ سے بھی بات کی جائے گی۔(جاری ہے)
ان خیالات کا اظہار انہوں نے منگل کو کراچی پریس کلب کے 200 ممبران کو ملیر ڈویلپمنٹ اٹھارٹی کے ذریعے ملیر میں پلاٹس دینے کے حوالے سے منعقدہ قرعہ اندازی کی تقریب سے خطاب اور بعد ازاں میڈیا سے بات چیت کرتے ہوئے کیا۔
اس موقع پر کراچی پریس کلب کے صدر امتیاز خان فاران، جنرل سیکرٹری عامرلطیف، ملیر ڈویلپمنٹ اتھارٹی کے ڈائیریکٹر جنرل محمد سہیل، سیکرٹری اطلاعات سندھ ذواالفقار شاہلوانی، ڈائیریکٹر پریس انفارمیشن سندھ محمد یوسف کابورو اور دیگر بھی موجود تھے۔ قبل ازیں تقریب سے خطاب کرتے ہوئے کراچی پریس کلب کے صدر امتیاز خان فاران نے کہا کہ ہم وزیر اطلاعات و بلدیات سندھ شرجیل انعام میمن کے تہہ دل سے مشکور ہیں کہ انہوں نے نہ صرف ہماری آج کی دعوت کو قبول کیا بلکہ انہوں نے اس دعوت میں آنے کے لئے ہمارے 200 ممبران کو بذریعہ قرعہ اندازی پلاٹ بھی دینے کا اعلان کیا اور اس کی آج تکمیل کی ہے۔ انہوں نے کہا کہ ماضی میں بھی شرجیل انعام میمن اور پیپلز پارٹی کی حکومت کراچی پریس کلب اور صحافیوں کی بھلائی اور ممبران کو پلاٹس دینے میں کبھی پیچھے نہیں رہی ہے اور اس بار بھی انہوں نے نہ صرف کراچی پریس کلب کی مالی مدد میں کوئی کسر نہیں چھوڑی بلکہ باقی مانندہ ممبران کو پلاٹس بھی فراہم کئے ہیں۔ انہوں نے کہا کہ شرجیل میمن جو ٹاسک اپنے ذمے لیتے ہیں اسے نہ صرف پورا کرتے ہیں بلکہ جب تک وہ پورا نہیں کرلیتے چین سے نہیں بیٹھتے۔ تقریب سے خطاب کرتے ہوئے صوبائی وزیر شرجیل انعام میمن نے کہا کہ کراچی کی صحافی برادری نے ہر مشکل وقت میں اس ملک اور صوبے کی بقا کی خاطر اپنی جانوں کا نذرانہ پیش کیا ہے اور بالخصوص آمرانہ دور حکومت میں انہوں نے ہمیشہ پیپلز پارٹی کے ساتھ مل کر جمہوریت کی بحالی کی تحاریک میں حصہ لیا ہے۔ انہوں نے کہا کہ پیپلز پارٹی عوام اور بالخصوص اس معاشرے کے اہم جزو صحافی برادری سے جو بھی وعدے کئے ہیں اسے پورا کیا ہے اور اسے پورا کرنے میں ہمیں انتہائی خوشی محسوس ہورہی ہے۔ انہوں نے کہا کہ ہم صحافی برادری کو پلاٹس اور ان کی مالی مدد کرکے ان پر کوئی احسان نہیں کررہے بلکہ وہ ان کے حقدار ہیں۔ انہوں نے کہا کہ آج کے مشکل حالات میں سیاسی جماعتوں کے ساتھ مل کر جو کردار ہماری صحافی برادری انجام دے رہی ہے اور عوام کو حقائق پہنچانے کے لئے اپنی جانوں کا بھی نذرانہ پیش کررہی ہے وہ قابل ستائش ہے۔ انہوں نے کہا کہ ماضی میں جب بھی پیپلز پارٹی کی حکومت برسراقتدار آئی ہم نے صحافیوں کی فلاح و بہبود کے لئے اپنا کردار ادا کیا۔ شہید محترمہ بینظیر بھٹو کے دور حکومت میں بھی صحافیوں کو رہائشی پلاٹس فراہم کئے گئے اس کے بعد آنے والی پیپلز پارٹی کی ہر حکومت میں صحافیوں کو ان کے حقوق اور ان کی فلاح کے لئے کام کئے گئے۔ انہوں نے کہا کہ آج کی اس تقریب میں جہاں 200 کراچی پریس کلب کے ممبران کو پلاٹس انتہائی کم قیمت پر فراہم کئے جارہے ہیں وہاں کراچی پریس کلب کو ملیر ڈویلپمنٹ اتھارٹی کی جانب سے 10 لاکھ روپے کی مالی امداد کا بھی اعلان کرتا ہوں اور کراچی پریس کلب کی انتظامیہ اور صحافی دوستوں سے وعدہ کرتا ہوں کہ ان کے پریس کلب میں تعلیم، صحت اور دیگر مسائل کے حل کے لئے بھی اقدامات کو یقینی بنایا جائے گا اور اس سلسلے میں وہ وزیر اعلیٰ سندھ سے خصوصی طور پر بات کریں گے۔ انہوں نے اس موقع پر گورنر سندھ ڈاکٹر عشرت العباد خان کی کاوشوں کو بھی سراہا اور کہا کہ ملیر میں پلاٹس کی فراہمی میں ان کا کردار بھی قابل ستائش ہے۔ بعد ازاں میڈیا سے بات چیت کرتے ہوئے صوبائی وزیر اطلاعات نے کہا کہ ملک کے موجودہ حالات کے پیش نظر پیپلز پارٹی مفاہمتی پالیسی پر عمل پیرا ہے اور ایم کیو ایم سمیت تمام سیاسی جماعتوں سے بات چیت کا سلسلہ جاری ہے البتہ ایم کیو ایم کی سندھ حکومت میں ثمولیت کے حوالے سے کوئی بات چیت نہیں ہورہی۔ انہوں نے کہا کہ لیاقت جتوئی کی جانب سے پیپلز پارٹی میں شامل ہونے کی کوئی درخواست نہیں ملی ہے اور اگر انہوں نے درخواست دی تو اس پر پارٹی کی قیادت اور دادو کی قیادت کی مشاورت سے فیصلہ کیا جائے گا۔ طالبان سے مذاکرات کے سوال پر انہوں نے کہا کہ عمران خان اور طالبان میں تعلقات کے حوالے سے وہ کسی قسم کا کوئی تبصرہ نہیں کریں گے البتہ وفاقی حکومت جسے تمام سیاسی جماعتوں نے آل پارٹیز کانفرنس میں مینڈیٹ دیا ہے کہ وہ ملک سے دہشتگردی کا خاتمہ کرکے امن قائم کرے چاہے اس کے لئے مذاکرات کا راستہ اپنایا جائے یا آپریشن کا راستہ استعمال کیا جائے۔ ملک میں امن قائم کیا جائے۔ اس لئے اب وفاقی حکومت پر یہ ذمہ داری عائد ہوتی ہے کہ اگر مذاکرات کرنا چاہتی ہے تو اس کے لئے کوئی ٹائم فریم طے کرے۔ محکمہ بلدیات میں گھوسٹ ملازمین اور دیگر مسائل کے سوال کے جواب میں انہوں نے کہا کہ ماضی میں سیاسی بنیادوں پر اختیارات سے تجاوز کرتے ہوئے مختلف ٹی ایم اوز اور افسران نے من مانی بھرتی کی اور اب بھی صرف محکمہ بلدیات میں ساڑھے 12 ہزار سے زائد گھوسٹ ملازمین ہیں، جن کی اسکرونٹی کا عمل شروع کردیا گیا ہے۔ انہوں نے کہا کہ محکمہ بلدیات کے ملازمین کی بھی جلد نادرا کے ذریعے رجسٹریشن کرائی جائے گی اور جو ملازمین گھوسٹ ہیں یا ایک سے زائد سرکاری محکموں میں کام کرتے ہیں ان سب کو فارغ کردیا جائے گا۔ امن و امان کے سوال پر صوبائی وزیر نے کہا کہ اس سلسلے میں کراچی میں جاری ٹارگٹڈ آپریشن کے سود مند نتائج سامنے آرہے ہیں اور اس وقت رینجرز اور پولیس پر جو حملے کئے جارہے ہیں وہ اسی کا ردعمل ہے۔ انہون نے کہا کہ ہماری فورسز کے حوصلے بلند ہیں اور کراچی آپریشن میں مزید تیزی لائی جائے گی۔ اندرون سندھ میں امن و امان کی خراب صورت حال پر انہوں نے کہا کہ آپریشن کا دائرہ اندرون سندھ تک بھی وسیع کیا جائے گا۔ سرکاری محکموں کے ملازمین کا ٹارگٹ کلنگ میں ملوث ہونے کے سوال پر انہوں نے کہا کہ کئی مسرکاری ملازمین جن میں محمہ صنعت، بلدیات اور سٹی وارڈن شامل ہیں وہ ٹارگٹ کلنگ میں ملوث پائے گئے ہیں اور اب سرکاری اداروں کے ملازمین کی اسکرونٹی امن و امان کی بحالی کے اداروں کے ذریعے شروع کی گئی ہے اور جو بھی جرائم میں ملوث ہوا اس کے خلاف سخت کارروائی کی جائے گی۔متعلقہ عنوان :
مزید قومی خبریں
-
بیرون ملک تعلیم کے نام پر طلبہ سے فراڈ والے گینگ کا اہم رکن گرفتار
-
خیبرپختونخوا حکومت کا گاڑیوں پر روڈ یوزر چارج بل 2024 بہت جلد منظوری کیلئے پیش کیا جائے گا، مشیر خزانہ خیبرپختونخوا مزمل اسلم
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.