کوئٹہ سمیت اندرون بلوچستان بارشوں کا سلسلہ جاری ‘سردی کی شدت میں اضافہ

اتوار 2 فروری 2014 17:31

کوئٹہ (اُردو پوائنٹ اخبار تازہ ترین۔2 فروری ۔2014ء) کوئٹہ سمیت اندرون بلوچستان میں اتوار کے روز بھی وقفے وقفے سے بارش اور سرد ہوائیں چلنے کا فیصلہ جاری رہا جس سے سردی میں اضافہ ہوگیا کئی علاقوں میں بجلی اور گیس کی غیر اعلانیہ لوڈشیڈنگ کی وجہ سے سردی کے موسم میں خاص طور پر گھریلو خواتین کو مشکلات کا سامنا کرنا پڑا کیونکہ گیس اور بجلی نہ ہونے کی وجہ سے انہیں ناشتہ اور دوپہر اور رات کا کھانا بنانے میں مشکلات پیش آئی محکمہ موسمیات کے مطابق کوئٹہ سمیت اندرون بلوچستان میں بارشوں کا اور سرد ہوائیں چلنے کے علاوہ پہاڑوں پر برفباری کا زیادہ امکان ہے خاص طور پر اندرون بلوچستان زیادت قلات مستونگ خضدار حب چمن پشین برشور توبہ کاکڑی توبہ اچکزئی نوشکی ،دالبندین اور تفتان میں موسلادھار بارش اور سرد ہواؤں کا سلسلہ جاری رہے گا اتوار کے روز کوئٹہ شہر میں موسلادھار بارش اور ہوائیں چلنے کے باعث اور چھٹی ہونے کی وجہ سے زیادہ تر عوام نے گھروں پر آرام کیا جبکہ بعض نوجوان ہنہ اوڑک اور ہنہ جھیل بھی گئے