سینیٹ ڈیفنس کمیٹی کی جرمن پارلیمنٹ کی ڈیفنس اور فارن ریلشنز کمیٹی سمیت مختلف پارلیمانی نمائندوں سے ملاقاتیں،جرمنی کا کردار عالمی منظرنامے میں لیڈر آف دی یورپ ہے،جرمنی کا ملکی دفاعی پیداوار میں تعاون قابلِ تحسین ہے، دوسری جنگِ عظیم کے بعد دنیا کی سب سے بڑی جنگی ساز و سامان کی منتقلی براستہ پاکستان متوقع ہے، سینیٹر مشاہد حسین سید
اتوار 2 فروری 2014 17:31
اسلام آباد ، برلن (اُردو پوائنٹ اخبار تازہ ترین۔2 فروری ۔2014ء) سینیٹر مشاہد حسین سید کی زیرقیادت سینیٹ ڈیفنس کمیٹی نے دورہِ یورپ کے دوران جرمن پارلیمنٹ کی ڈیفنس اور فارن ریلشنز کمیٹی کے اراکان سمیت مختلف پارلیمانی نمائندوں سے اہم ملاقاتیں کی ہیں ۔ سینیٹ ڈیفنس کمیٹی کی آفیشل ویب سائٹ پر فراہم کردہ معلومات کے مطابق وفد کے سربراہ سینیٹر مشاہد حسین سید نے جرمنی کے عالمی منظرنامے میں کلیدی کردار کو سراہتے ہوئے اسے لیڈر آف دی یورپ قرار دیا جس نے نہ صرف شام اور ایران کے ساتھ حالیہ تنازعات کے پرامن حل کیلئے اپنا بھرپور کردار ادا کیا بلکہ پاکستان کو بھی یورپین یونین کی جانب سے جی ایس پی پلس اسٹیٹس دلوانے کی راہ ہموار کی۔
اس موقع پر سینیٹر مشاہد حسین نے پاکستان جرمن پارلیمنٹری فرینڈشپ گروپ کے قیام کی بھی تجویز پیش کرتے ہوئے جرمن قیادت کو افغانستان کے قیامِ امن کیلئے بھی کردارادا کرنے کی ضرورت پر زور دیا ۔(جاری ہے)
انہوں نے دونوں ممالک کے مابین تجارتی تعلقات کے فروغ کے حوالے سے کہا کہ جرمنی پاکستان کے مختلف شعبہ جات بالخصوص سولر انرجی، ایجوکیشن، ٹیکسٹائل میں اہم تکنیکی تعاون فراہم کر رہا ہے اور وہ سمجھتے ہیں کہ جرمنی اور پاکستان کا مشترکہ چیمبر آف کامرس کا قیام مزید مفید ثابت ہو سکتا ہے۔
انہوں نے جرمنی کی جانب سے پاکستان کی دفاعی پیداوار میں تعاون پر تبصرہ کرتے ہوئے بتایا کہ جرمن مشینری کی بدولت پاکستان آرڈیننس فیکٹریز (واہ) اپنی دفاعی پیداوار احسن طریقے سے جاری رکھے ہوئے ہے۔انہوں نے نیٹو اور امریکہ کی جانب سے افغانستان سے انخلاء کی باقاعدگی منصوبہ بندی نہ ہونے پر تشویش کا اظہار کیا اور بتایا کہ دوسری جنگِ عظیم کے بعد دنیا کی سب سے بڑی جنگی ساز و سامان کی منتقلی براستہ پاکستان متوقع ہے جسکا تخمینہ 35 بلین ڈالرز لگایا جارہا ہے۔سینیٹ ڈیفنس کمیٹی کے اراکان سینیٹر مشاہد حسین سید، سینیٹر چوہدری شجاعت حسین، سینیٹر صابر بلوچ، سینیٹر حاجی عدیل اور سینیٹر سحر کامران پر مشتمل پارلیمانی وفد نے دورہِ برلن کے دوران پارلیمنٹری کمشنر فار آرمڈ فورسز آف جرمن پارلیمنٹ، ایس ڈبلیو پی، جرمن انسٹیٹیوٹ فار انٹرنیشنل پالیٹکس اور چیف آف جرمن گورنمنٹ ٹاسک فورس آن افغانستان اینڈ پاکستان سمیت متعلقہ جرمن شخصیات سے باہمی دلچسپی کے معاملات پر تبادلہ خیال کرتے ہوئے اپنا موقف پیش کیا۔مزید اہم خبریں
-
یرغمال تفریح گاہیں
-
رشوت خوری کا الزام، روس کے نائب وزیر دفاع گرفتار
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
تحریک انصاف کی پانچ فرنچائز ہیں ہر کسی کا اپنا مؤقف ہے
-
ایران کے صدرڈاکٹرابراہیم رئیسی دورہ پاکستان مکمل کرکے واپس روانہ
-
وزیراعظم کا کراچی کے لیے 150 بسیں دینے کا اعلان
-
معاشی استحکام کے لیے وفاق اور صوبوں کو مل کر کام کرنا ہوگا،وزیراعظم
-
وزیراعظم کی وزیراعلی سندھ کو صوبے کے مالی مسائل حل کرنے کی یقین دہانی
-
ہیلری کلنٹن کیساتھ کام کرنے پر ملالہ یوسف زئی کو تنقید کا سامنا
-
190 ملین پاؤنڈز کیس: عمران خان کی درخواست ضمانت پر سماعت 29 اپریل تک ملتوی
-
پاکستان الیکٹرک گاڑیوں ں تیاری میں اپنی صلاحیتوں کو بڑھانے کے لیے بین الاقوامی کمپنیوں کے ساتھ تعاون کوفروغ دے رہا ہے، رپورٹ
-
پاکستان اور ایران کا آزاد تجارتی معاہدے کو جلد حتمی شکل دینے، دوطرفہ تجارت پانچ سال میں 10 ارب ڈالر تک بڑھانے پر اتفاق ، ایران کے صدر ڈاکٹر سیّد ابراہیم رئیسی کے دورے کے اختتام پر مشترکہ بیان جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.