مظفر آباد ، ٹرک مالکان نے کشمیر بس سروس کو روکنے کی دھمکی دے دی،بس سروس بحال کرنے کا اعلان 76 ٹرک ڈرائیوروں اور ان رشتہ داروں کے زخموں پر نمک چھڑکنے کے مترادف ہے ،مظاہرین ،بس سروس بحالی کا خیر مقدم کرتے ہیں ،ایک بھی معصوم ڈرائیور کی قیمت پر ہم تجارت کی بحالی کو قبول نہیں کریں گے ،اعجاز میر
ہفتہ 1 فروری 2014 20:45
مظفرآباد(اُردو پوائنٹ اخبار تازہ ترین۔1 فروری ۔2014ء) ٹرک مالکان کی ایک ایسوسی ایسوسی ایشن نے دھمکی دی ہے کہ جب تک کہ ان کے انچاس ساتھیوں کو رہا نہیں کردیا جاتا وہ مظفرآباد اور سری نگر کے درمیان چلنے والی بس سروس کو روک دیں گے۔ آزاد جموں کشمیر اور مقبوضہ کشمیر کے حکام کے درمیان منعقدہ اجلاس میں پیر سے لائن آف کنٹرول کے دونوں اطراف تجارتی کو بحال کرنے کے فیصلے کے ایک روز بعد وادی جہلم گڈز ٹرانسپورٹرز یونین کے اراکین نے چناڑی پریس کلب کے باہر دھرنا دیا۔
چناڑی، چکوتھی اوڑی کراسنگ پوائنٹ سے تقریباً 10 کلومیٹر کے فاصلے پر واقع ہے، جہاں سترہ جنوری کو آزاد کشمیر کے 49 ٹرک اور مقبوضہ کشمیر سے تجارتی سامان سے لدے ہوئے 27 ٹرک ایک دوسرے کے مخالف اطراف میں رکے ہوئے ہیں۔(جاری ہے)
بھارتی حکام نے دعویٰ کیا تھا کہ انہوں نے ان میں سے ایک ٹرک سے ہیروئن کے ایک سو چودہ پیکٹس برآمد کیے تھے اور اس کے ڈرائیور کو حراست میں لے لیا تھا جس کے نتیجے میں لائن آف کنٹرول کے دونوں اطراف 76 ٹرک اور ان کے ڈرائیور پھنس گئے تھے۔
اس موقع پر مظاہرین کا کہنا تھا کہ بس سروس بحال کرنے کا اعلان 76 ٹرک ڈرائیوروں اور ان رشتہ داروں کے زخموں پر نمک چھڑکنے کے مترادف ہے۔انہوں نے کہا کہ اگر بھارت آزاد کشمیر میں پھنسے اپنے 99 مسافروں کی خاطر بس سروس کی بحالی کے لیے پاکستانی حکومت پر دباوٴ ڈال سکتا ہے تو آزاد جموں کشمیر کی حکومت اپنے 49 ڈرائیوروں کی واپسی کا مطالبہ کیوں نہیں کرسکتی۔اسی دوران ایل او سی یونین کے ایک بیس رکنی وفد نے گزشتہ روز ٹریول اور تجارتی انتظامیہ کے ڈائریکٹر جنرل ریٹائرڈ بریگیڈیئر محمد اسماعیل سے ملاقات کی اور ان سے کہا کہ وہ پاکستان کے وزیر خارجہ کو اس بات پر قائل کریں کہ ڈرائیوروں کی بھارت سے واپسی تک کشمیر کے درمیان تجارت شروع نہیں کی جانی چاہیے۔ایل او سی ایونین کے وفد میں شامل ایک رکن اعجاز احمد میر نے بتایا کہ ہم بس سروس کی بحالی کا خیر مقدم کرتے ہیں، لیکن ہم اس کے ساتھ یہ بھی واضح کر دینا چاہتے ہیں کہ ایک بھی معصوم ڈرائیور کی قیمت پر ہم تجارت کی بحالی کو قبول نہیں کریں گے۔متعلقہ عنوان :
مزید اہم خبریں
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
-
پی ڈی ایم کی جماعتیں پچھلی حکومت گرانے پر قوم سے معافی مانگیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.