وزیر اعظم کا پارلیمنٹ نہ آنا کوئی معنی نہیں رکھتا ، وزیراعظم اپنا کام بخوبی کررہے ہیں ،روحیل اصغر
منگل 28 جنوری 2014 16:23
اسلام آباد (اُردو پوائنٹ تازہ ترین اخبار۔ 28 جنوری 2014ء) پاکستان مسلم لیگ (ن )کے رہنما شیخ روحیل اصغر نے کہا ہے کہ وزیر اعظم کا پارلیمنٹ نہ آنا کوئی معنی نہیں رکھتا ، وزیراعظم اپنا کام بخوبی کررہے ہیں ،حکیم اللہ محسود مذاکرات کر ناچاہتے تھے ، وزیرداخلہ کے پاس حکیم اللہ کا خط بھی موجود ہے ،ہمیں ٹارگٹڈ آپریشن کر نا چاہیے ۔ایک انٹرویو میں انہوں نے کہاکہ وزیراعظم کاپارلیمنٹ یا نہ آنا کوئی معنی نہیں رکھتا کیونکہ ان کا جو کام ہے وہ اپنا کام کررہے ہیں۔
یہ ایک غیر ضروری بحث ہے کیونکہ وزیر اعظم کے آنے سے پارلیمنٹ کو فرق تو نہیں ہوتا کیونکہ وہ اپنا کام بخوبی کررہے ہیں۔ ایک سوال کے جواب میں انہوں نے کہاکہ وزیر اعظم کے ایوان میں آنے سے ایوان میں اراکین اسمبلی کی تعداد بھی بڑھائی جاسکے گی۔(جاری ہے)
انہوں نے کہاکہ کچھ معاملات ایسے ہیں جوسب کے سامنے ڈسکس نہیں کئے جاسکتے۔ طالبان سے کئے جانے والے مذاکرات کے حوالے سے تمام سیاسی جماعتوں کو معلوم تھا تاہم حکیم اللہ محسود کی موت کے بعد سب لوگوں نے آکر اس مسئلے پر پوائنٹ اسکورنگ شروع کردی۔
وزیرداخلہ کے پاس حکیم اللہ محسود کا خط بھی موجود ہے جس میں حکیم اللہ نے مذاکراتی وفد میں اپنے دو لوگوں کو شامل کرایاتھا تاہم اب اس اہم اور سنگین مسئلے پر وزیرداخلہ نے تمام سیاسی جماعتوں کو اعتماد میں لینا شروع کردیاہے۔ شیخ روحیل اصغر نے کہاکہ تمام لوگوں کی اپنی اپنی سوچ ہے تاہم حکومت کاایک اپنا فیصلہ ہوگا جسے سب کو تسلیم کرنا ہوگا۔ میری رائے میں ہمیں ٹارگٹڈ آپریشن کرنا چاہئے تاکہ ہم انہیں یہ بتاسکیں کہ ہمارے ہاتھ بندھے نہیں ہیں۔ آج کے اجلاس میں جو فیصلے کئے گئے ہیں تو یہ حقائق آئندہ چند روز میں ہمارے سامنے آجائیں گے۔ ہمارے ملک میں کئی ہمسایہ ممالک کی بھی بہت زیادہ مداخلت ہے اس مسئلے کو ہم نے دفتر خارجہ کے سامنے بھی اٹھایا ہے۔ کوئی بھی قومی مسئلہ جب اس موقع پر ہو کہ اب کوئی فیصلہ کرلیا گیاتو اس میں تمام قومی قیادت کواعتماد میں لیاجائے گا۔ ہماری بدقسمتی یہ ہے کہ ہم بہت جلد دوسروں پر تنقید کرنے لگ جاتے ہیں۔ گزشتہ سات ماہ سے ہم نے بہت زیادہ کوششیں کی ہیں اور اب بہت جلد ہم ان تمام مسائل پر قابو پالیں گے۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.