افغانستان سے مکمل فوجی انخلا کے باعث امریکی اڈے بند کرنے پڑیں گے ،امریکی انٹیلی جنس کو خدشہ ، قبائلی علاقوں میں ڈرون حملے اور ایٹمی بحران کی صورت کے ردِعمل پر امریکی کارروائی متاثر ہو گی ،نیویارک ٹائمز ،امریکی انٹیلی جنس نے پاکستان کے ایٹمی ہتھیاروں کی نگرانی کرنے کیلئے بڑی کوششیں کی ہیں ، امریکی اخبار
پیر 27 جنوری 2014 20:50
نیویارک (اُردو پوائنٹ اخبار تازہ ترین۔27 جنوری ۔2014ء) امریکی اخبار نیو یارک ٹائمز نے اپنی رپورٹ میں کہاہے کہ امریکی انٹیلی جنس کو خدشہ ہے کہ افغانستان سے مکمل فوجی انخلا کے باعث امریکی اڈے بند کرنے پڑیں گے جن سے پاکستان کے قبائلی علاقوں میں ڈرون حملے اور ایٹمی بحران کی صورت کے ردِعمل پر امریکی کارروائی متاثر ہو گی۔نیو یارک ٹائمز نے امریکی انتظامیہ کے ذرائع کے حوالے سے کہا کہ اگر امریکی صدر براک اوباما افغانستان سے پوری فوج واپس بلوا لیتے ہیں تو سی آئی اے کو ڈرون اڈے بھی بند کرنے پڑیں گے کیونکہ ان اڈوں کی حفاظت نہیں کی جاسکے گی۔
امریکی وزارت دفاع نے اس سلسلے میں حال ہی میں دو آپشنز پیش کی ہیں جن میں سے ایک میں کہا گیا کہ کم از کم دس ہزار امریکی فوجی افغانستان میں تعینات رہیں جو افغانستان کی فوج کی معاونت اور تربیت کے ساتھ ساتھ امریکی تنصیبات کی حفاظت بھی کریں۔(جاری ہے)
امریکی انتظامیہ کے ذرائع نے امریکی اخبار کو بتایا کہ ان اڈوں کے بند ہونے کے باعث پاکستان اور بھارت سے ایٹمی مواد یا ہتھیار کی چوری کی صورت میں امریکہ بر وقت کارروائی نہیں کر سکے گا۔
ایک سابق انٹیلی جنس اہلکار نے نیو یارک ٹائمز کو بتایا کہ ہم سنتے ہیں افغانستان کے حوالے سے صدر اوباما کی زیرو آپشن کے بارے میں (افغانستان میں کوئی امریکی فوجی نہیں رہے گا) تاہم اصل بات تو پاکستان کی ہے۔امریکی انٹیلی جنس حکام نے کہاکہ پاکستان کے قبائلی علاقوں میں القاعدہ پر ڈرون حملوں کے لیے نزدیک ترین اڈا اتنی دور ہے کہ وہاں سے قبائلی علاقوں تک ڈرون نہیں بھیجا جا سکتا۔نیو یارک ٹائمز نے کہاکہ اس سلسلے میں اوباما انتظامیہ نے انٹیلی جنس، عسکری اور ماہرین کی ایک ٹیم تشکیل دی ہے جو اس مسئلے پر تجاویز پیش کرے گی۔امریکی اخبار کے مطابق گذشتہ سالوں میں پاکستان چھوٹے درجے کے ایٹمی ہتھیار بنانے میں تیزی لایا ہے جو بھارت کی جانب سے حملے کو پسپا کرنے کے لیے استعمال کیے جائیں گے۔رپورٹ کے مطابق امریکی انٹیلی جنس نے پاکستان کے ایٹمی ہتھیاروں کی نگرانی کرنے کے لیے بڑی کوششیں کی ہیں کیونکہ ان کو خدشہ ہے کہ یہ ہتھیار چوری ہو سکتے ہیں تاہم امریکی قومی سلامتی کونسل کی ترجمان کیٹلین ایم ہیڈن نے نیو یارک ٹائمز کو بتایا کہ صدر اوباما نے مکمل فوجی انخلا کے بارے میں حتمی فیصلہ نہیں کیا ہم فوجی کمانڈروں سمیت انٹیلی جنس حکام، سفارت کاروں اور ترقیاتی ماہرین سے مشاورت کے بعد ہی کوئی فیصلہ کریں گے۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.