عمران خان خوشاب میں ایک گھنٹہ پولنگ کا ٹائم بڑھانے پر تشویش کااظہار ، مسلم لیگ نواز انتخابی نتائج چرا کر حکومت کرنے پر یقین رکھتی ہے ، سربراہ تحریک انصاف ،4حلقوں کے نتائج کی انگوٹوں کے نشانات کے ذریعے جانچ کیلئے تمام وسائل بروئے کار لانے کا اعلان
جمعرات 23 جنوری 2014 21:29
اسلام آباد(اُردو پوائنٹ اخبار تازہ ترین۔23 جنوری ۔2014ء) پاکستان تحریک انصاف کے چیئرمین عمران خان نے الیکشن کمیشن آف پاکستان کی جانب سے ضمنی انتخابات کے موقع پر خوشاب میں قومی اسمبلی کے حلقہ 69کیلئے پولنگ کے وقت میں توسیع پر شدید رد عمل کا اظہار کرتے ہوئے کہاہے کہ یہ دھاندلی اور نتائج میں ردوبدل کیلئے اٹھایا گیا حکومتی اقدام ہے اسلام آباد سے جاری بیان میں چیئرمین تحریک انصاف نے این 69میں پولنگ کے اوقات میں توسیع کو مسلم لیگ نواز الیکشن کمیشن کی ملی بھگت کا نتیجہ قرار دیتے ہوئے اس اقدام کی شدید مذمت کی۔
ان کا کہنا تھا کہ پنجاب میں مسلم لیگ نواز کی حکومت نے شکست کے خوف سے دھاندلی کا منصوبہ تیار کیا اور اعلی ترین سطح پر کی گئی منصوبہ بندی کے تحت الیکشن کمیشن کے ذریعے پولنگ کے اوقات میں 1گھنٹے کی توسیع حاصل کی۔(جاری ہے)
الیکشن کمیشن میں پنجاب کے رکن جسٹس ریاض کیانی اور سیکرٹری الیکشن کمیشن کی جانب سے دھند اور سرد موسم کو جواز بنا کر پولنگ کے اوقات میں توسیع کے فیصلے کو شدید تنقید کا نشانہ بناتے ہوئے چیئرمین تحریک انصاف نے اسے بدنیتی پر مبنی اقدام قرار دیا۔
ان کا کہنا تھا کہ موسم کی شدت کی آڑ میں پولنگ اوقات کو دن ڈھلنے تک توسیع دی گئی تاکہ اندھیرا چھا جانے پر جعلی ووٹوں سے باکسز بھرے جائیں اور بجلی کی عدم موجودگی سے فائدہ اٹھا کر اپنی مرضی کے نتائج تیار کیے جائیں۔ انہوں نے واضح کیا کہ پولنگ اوقات میں توسیع کا فیصلہ مقامی ریٹرننگ افسر کی درخواست کے بغیر ہی کیا گیا جو کہ انتہائی قابل مذمت ہے۔ چیئرمین تحریک انصاف نے زور دے کر کہا کہ اسی نوعیت کے انتظامی اقدامات کے ذریعے عام انتخابات میں بھی تاریخی دھاندلی کی گئی اور عوامی مینڈیٹ پر ڈاکہ ڈالا گیا جسے بے نقاب کرنے کا بیڑہ اٹھا رکھا ہے۔ انہوں نے کہا کہ مسلم لیگ نواز انتخابی نتائج چرا کر حکومت کرنے پر یقین رکھتی ہے چنانچہ آج بھی اپنی اسی خصلت کو دہراتے ہوئے پنجاب حکمت نے دھاندلی کے تمام وسائل استعمال کیے۔ اپنے بیان میں 4حلقوں کے نتائج کی انگوٹوں کے نشانات کے ذریعے جانچ کیلئے تمام وسائل بروئے کار لانے کا اعلان کرتے ہوئے چیئرمین تحریک انصاف نے متنبہ کیا کہ کسی صورت دھاندلی برداشت نہیں کریں گے اور جعلی مینڈیٹ کو ہرحال میں بے نقاب کرکے ملک میں جمہوریت کا مستقبل محفوظ بنائیں گے۔متعلقہ عنوان :
مزید اہم خبریں
-
امریکی محکمہ خارجہ نے دنیا بھر میں انسانی حقوق کی صورتِ حال پر سالانہ رپورٹ جاری کر دی
-
ایرانی میزائلوں نے کس طرح اسرائیلی کثیر الجہتی، مربوط خودکار فضائی دفاعی نظام کے حصار کو کیسے توڑا؟ حملہ کتنا کامیاب رہا سیٹلائٹ تصاویر سے جائزہ
-
ٹک ٹاک کی نئی ایپ پر یورپی یونین کا کمپنی کو الٹی میٹم
-
شوہر نے پیسے نہ دینے پر بیوی کی ناک اور کان کاٹ دیئے
-
شہریوں کو آئین و قانون کے تحت دستیاب سہولیات سے روگردانی نہیں ، لاپتہ افراد کے مسئلہ کا سیاسی حل بھی نکالناہو گا، سینیٹر اعظم نذیر تارڑ
-
علی گڑھ مسلم یونیورسٹی کی تاریخ میں پہلی خاتون وائس چانسلر
-
بشریٰ بی بی کی تشویشناک حد تک بگڑتی صحت سنجیدگی کی متقاضی ہے، چیئرمین پی ٹی آئی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
اٹک ،پب جی گیم نے دوست کے ہاتھوں دوست کا قتل کروا دیا،ملزم گرفتار
-
بشریٰ بی بی مکمل فٹ قرار، طبی رپورٹ اعلیٰ حکام کو ارسال
-
پاکستان کو 1.1 ارب ڈالرقسط کی منظوری کیلئے آئی ایم ایف بورڈ اجلاس 29 اپریل کو ہوگا
-
جون تک زرمبادلہ کے ذخائر9 سے 10 ارب ڈالرتک پہنچ جائیں گے، محمد اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.