وزیراعلی خیبرپختونخو کی سکیم چوک پشاور میں بم دھماکے کی شدید مذمت، دھماکے میں شہید ہونے والوں کیلئے فی کس پانچ پانچ لاکھ روپے اور زخمیوں کیلئے دو دو لاکھ روپے کا اعلان کردیا
جمعرات 23 جنوری 2014 21:20
پشاور(اُردو پوائنٹ اخبار تازہ ترین۔23 جنوری ۔2014ء) خیبرپختونخواکے وزیراعلیٰ پرویزخٹک نے بڈھ بیر اسکیم چوک پشاور میں ورکشاپ میں کھڑی گاڑی کے اندر دھماکے کی شدیدترین الفاظ میں مذمت کی ہے جبکہ متاثرین کیلئے معاوضے کا اعلان بھی کیا ہے انہوں نے دہشت گردی کے اس اندوہناک واقعہ میں شہید ہونے والوں کیلئے فی کس پانچ پانچ لاکھ روپے اور زخمیوں کیلئے دو دو لاکھ روپے کا اعلان کرتے ہوئے ضلعی انتظامیہ کو اسکی فوری ادائیگی یقینی بنانے کی ہدایت کی ہے وزیر اعلیٰ نے کہا کہ شہید پیکج کے تحت یہ رقم قیمتی انسانی زندگی کا بدل نہیں ہو سکتی مگر یہ صوبائی حکومت اور عوام کی طرف سے انکے دکھ میں شرکت اور مالی مشکلات بانٹنے کی ایک کوشش ضرور ہے قبل ازیں وزیراعلیٰ نے واقعہ کی اطلاع ملتے ہی ضلعی انتظامیہ و اعلیٰ پولیس حکام کے علاوہ صوبائی وزیر اطلاعات شاہ فرمان اور وزیرصحت شوکت یوسفزئی سے رابطہ کرکے انہیں فوری جائے حادثہ اور ہسپتال پہنچنے اور امدادی کام ذاتی نگرانی میں انجام دینے کی ہدایت کی وزیراعلیٰ نے اس بات پر افسوس کا اظہار کیا کہ افغانستان اور فاٹا سے قربت اور وفاقی حکومت کی ناقص داخلہ و خارجہ پالیسیوں کی سزا آج ہمیں بھگتنی پڑ رہی ہے اور ہمیں بد ترین دہشت گردی کا دوبارہ نشانہ بنانا شروع کر دیا گیا ہے اُنہوں نے کہا کہ شہر میں دوبارہ دھماکوں کی لہر شروع کرنے کا مطلبعوام کوعدم تحفظ کا احساس دلانا ہے جس کی ہم ہرگز اجازت نہیں دیں گے وزیراعلیٰ نے واقعہ میں شہیدافرادکے درجات کی بلندی اورزخمیوں کی جلدصحت یابی کی دعاکی اوریقین دلایا کہ دہشت گردی کی پالیسی کے بارے میں وفاق سے دو ٹوک بات کی جائے گی۔
مزید اہم خبریں
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.