سنندا پشکر کے بیٹے نے خودکشی اور قتل دونوں امکانات مسترد کر دئیے
تازہ ترین : 1

سنندا پشکر کے بیٹے نے خودکشی اور قتل دونوں امکانات مسترد کر دئیے

نئی دہلی (اُردو پوائنٹ تازہ ترین اخبار۔ 23جنوری 2014ء)سنندا پشکر کے بیٹے نے خودکشی اور قتل دونوں امکانات مسترد کر دئیے۔اپنی ماں کی موت کے حوالے سے جاری کردہ بیان میں شیو مینن نے کہا کہ ششی تھرور اور ان کی ماں میں بہت پیار تھا وہ آپس میں جھگڑتے تھے لیکن اختلافات کو جلد ہی حل کر لیا کرتے تھے۔ سنندا بہت مضبوط خاتون تھیں وہ خودکشی نہیں کر سکتیں جبکہ ششی تھرور بھی ان کی والدہ کو جسمانی طور پر کوئی ضرر پہنچانے والے انسان نہیں تھے۔

میڈیا خودکشی اور قتل کے معاملات کو ہوا نہ دے۔ یہ تمام تر سلسلہ میڈیا کے دباوٴ،ٹینشن، اور مختلف ادویات کے غلط ملاپ کا نتیجہ ہے۔ شیو مینن نے کہاکہ سنندا نیند کی حالت میں موت سے ہمکنار ہوئیں وہ بہت پر سکون تھیں۔ ان کی زندگی کو بہت زیادہ اجاگر کیا گیا اب مرنے کے بعد انہیں آرام سے رہنے دیا جائے۔

وقت اشاعت : 23/01/2014 - 13:20:28

متعلقہ عنوان :

اپنی رائے کا اظہار کریں