پنجاب میں 3 روزہ انسداد پولیو مہم کے دوران کو ئی نا خوشگوار واقع پیش نہیں آیا ،بھرپور سیکورٹی فراہم کی جائیگی‘ مشیر صحت ،وزیر اعلی کے حکم پر چیف سیکرٹری پنجاب نے تمام ڈی سی اوز اور ڈی پی اوز کو سیکورٹی یقینی بنانے کی ہدایت کر دی ہے ،پولیو ورکرز کی حوصلہ افزائی کے لئے میں خود فیلڈ میں نکلا ہوں ، 2014 پولیو سے فری پنجاب کا سال ہو گا ‘خواجہ سلمان رفیق
بدھ 22 جنوری 2014 21:45
لاہور(اُردو پوائنٹ اخبار تازہ ترین۔22 جنوری ۔2014ء) وزیر اعلی پنجاب کے مشیر برائے صحت خواجہ سلمان رفیق نے کہا ہے کہ پولیو ورکرز کو دہشت گردی کا نشانہ بنانے والے نا صرف ملک بلکہ اپنے بچوں کے بھی دشمن ہیں اور اگر پولیو کے قطرے بچوں کو نہ پلائے جائیں تو یہ وائرس کسی بھی بچے کو ساری عمر کے لئے معذور بنا سکتا ہے - انہوں نے کہا کہ پنجاب میں 3 روزہ انسداد پولیو مہم کے دوران پولیس الرٹ رہی اورکوئی غیر معمولی ناخوشگوار واقع پیش نہیں آیا اور ٹیموں نے بچوں کو قطرے پلانے کا ٹارگٹ حاصل کر لیا ہے - انہوں نے کہا کہ 23 جنوری کیچ اپ ڈے ہو گا جس کے دوران مسنگ بچوں کو قطرے پلائے جائیں گے- انہو ں نے ان خیالات کا اظہار علامہ اقبال ٹاؤن کے علاقہ نجف کالونی امام بار گاہ بازار کے علاقے میں انسداد پولیو مہم کے تیسرے دن بچوں کو ویکیسئن کے قطرے پلانے کے موقع پر میڈیا سے گفتگو کرتے ہوئے کیا - انہوں نے کہا کہ پولیو ویکسیئن کے بارے من گھڑت قسم کی افواہیں وہ عناصر پھیلا رہے ہیں جو حقائق سے بالکل بے خبر ہیں - خواجہ سلمان رفیق نے کہا کہ ہر پولیو مہم کے دوران حساس علاقوں اور جہاں ضرورت پڑی پولیو ورکرز کو مکمل سیکورٹی فراہم کی جائے گی - اس سلسلہ میں وزیر اعلی محمد شہباز شریف کے حکم پر چیف سیکرٹری پنجاب نے تمام اضلاع کے ڈی سی او اور ڈی پی او کو واضح ہدایات جاری کر دی ہیں - ایک سوال کے جواب میں انہوں نے کہا کہ ورکرز کی حوصلہ افزائی کے لئے وہ خود فیلڈ میں نکلے ہیں - انہوں نے کہا کہ دہشت گردوں کے عزائم ناکام بنانے کے لئے عوام ، حکومت اور ادارے سب مل کر سینہ سپر ہیں - انہوں نے کہا کہ عالمی ادارے پشاور کو پولیو کا گڑھ قرار دے چکے ہیں اس لئے پنجاب آنے والے راستوں پر بچوں کو پولیو ویکسیئن کے قطرے پلانے کے خصوصی انتظامات کئے گئے ہیں - ایک سوال کا جواب دیتے ہوئے انہوں نے کہا کہ پولیو مہم ناکام نہیں ہو گی بلکہ دہشت گرد اپنے عزائم میں ناکام ہوں گے - خواجہ سلمان رفیق نے دہشت گردوں کے ہاتھوں کراچی میں ہونے والے جانی نقصان پر افسوس کا اظہار کرتے ہوئے کہا کہ اپنی جان ہتھیلی پہ رکھ کر پولیو مہم کو قومی مشن سمجھ کر اس میں حصہ لینے والے خراج تحسین کے مستحق ہیں - انہوں نے اس عزم کا اظہار کیا کہ پولیو کے خلاف مہم جاری رہے گی اور انشا ء اللہ 2014 ء پولیو فری پنجاب کا سال ثابت ہو گا -
مزید قومی خبریں
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
-
جس وزارت کا بزنس ایوان میں لیا جائے گا اگر اس وزارت یا محکمے کا جوائنٹ سیکرٹری کی سطح کا آفیسر موجود نہ ہوا تو سیکرٹری کو طلب کیا جائے گا،سپیکر قومی اسمبلی
-
عدالت نے فواد چودھری کو گرفتار کرنے سے روک دیا
-
عدالت نے فواد چودھری کو گرفتار کرنے سے روک دیا
-
وزیراعلیٰ مریم نواز کا ایئر ایمبولینس سروس کے دائرہ کار کو وسعت دینے کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.