کانگریس نے راہول کو قربانی کا بکرا بنتے دیکھ کر پہلے ہی شکست تسلیم کر لی‘نریندر مودی
پیر 20 جنوری 2014 13:09
نئی دہلی (اُردو پوائنٹ تازہ ترین اخبار۔ 20جنوری 2014ء)بھارتی جنتا پارٹی کے وزیراعظم کیلئے نامزد امیدوار نریندر مودی نے کہا ہے کہ کانگریس نے راہول کو قربانی کا بکرا بنتے دیکھ کر پہلے ہی شکست تسلیم کر لی ہے ‘جب ایک ماں کو اپنے بیٹے کی ہار یقینی لگنے لگتی ہے تو اس کے نام کا اعلان نہیں کرتی -لال کرشن ایڈوانی نے کہا کہ پارٹی کارکن لوک سبھا کے انتخابات کی تیاریوں کے دوران حد سے زیادہ خوداعتمادی سے بچیں- قومی کونسل کی میٹنگ کے اختتامی اجلاس سے خطاب کرتے ہوئے نریندر مودی نے کانگریس کوشدید تنقید کا نشانہ بناتے ہوئے کہا کہ راہول گاندھی کو قربانی کا بکرا بنتے دیکھ کر پہلے ہی شکست تسلیم کرلی ہے ۔
انہوں نے کہاکہ کانگریس نے ایک جلسہ کیا جہاں انہیں وزیر اعظم کے عہدے کے امیدوار کا اعلان کرنا تھا لوگ سننے آئے تھے تو کانگریس نے راہول گاندھی کے بدلے انہیں اضافی گیس سلنڈر دینے کا اعلان کیا۔(جاری ہے)
انہوں نے کہا کہ جب ایک ماں کو جب اپنے بیٹے کی ہار یقینی لگنے لگتی ہے تو وہ اسکے نام کا اعلان نہیں کرتی جس سے لگتا ہے کہ سونیا گاندھی کو اپنے بیٹے سے بہت پیار ہی۔
اس سے قبل لال کرشن ایڈوانی نے پارٹی کے کارکنوں کو آگاہ کیاکہ لوک سبھا کے انتخابات کی تیاریوں کے دوران وہ حد سے زیادہ خوداعتمادی سے بچیں اور پوری بیداری اور جوش و خروش کے ساتھ پارٹی کو واضح اکثریت دلانے کی مہم میں لگ جائیں۔ انہوں نے نریندر مودی کی حکمت عملی کی جم کر تعریف کی اور یہ تسلیم کیا کہ ملک میں ابھی تک ہوئے لوک سبھا کے پندرہ انتخابات میں پارٹی نے اتنی تیاری اس سے پہلے کبھی نہیں کی تھی۔مزید بین الاقوامی خبریں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
-
دنیا کے بہترین شوہر نے تحفے میں بیوی کو آدھی حکمرانی دیدی
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
میلان میں رات 12 بجے کے بعد آئس کریم پر پابندی کا فیصلہ
-
ایران سے تجارت کے خواہشمند پابندیوں سے خبردار رہیں، امریکا
-
سیاسی پناہ گزینوں کو جلد روانڈا منتقل کیا جائے گا، برطانوی وزیراعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.