ڈیرہ بگٹی جانے کی اجازت نہ ملنے پر شاہ زین بگٹی کا دھرنا 34گھنٹے سے جاری
تازہ ترین : 1
ڈیرہ بگٹی جانے کی اجازت نہ ملنے پر شاہ زین بگٹی کا دھرنا 34گھنٹے سے جاری

ڈیرہ بگٹی جانے کی اجازت نہ ملنے پر شاہ زین بگٹی کا دھرنا 34گھنٹے سے جاری

کشمور(اُردو پوائنٹ تازہ ترین اخبار۔ 20جنوری 2014ء)انتظامیہ اور شاہ زین بگٹی کے مابین ہونیوالے مذاکرات رنگ نہ لائے، ڈیرہ بگٹی جانے کی اجازت نہ دیئے جانے پر شاہ زین بگٹی کا بگٹی قبائل کے ہمراہ ڈیرہ موڑ پر دھرنا 34 گھنٹے سے جاری ہے۔ بلوچ رہنما شاہ زین بگٹی کو ڈیرہ بگٹی میں داخلے سے روکے جانے کے بعد شاہ زین کا بگٹی قبائل کے ہمراہ کشمور میں ڈیرہ موڑ پر دھرنا 34 گھنٹے سے جاری ہے ،اس حوالے سے گذشتہ شب ڈی پی او کشمور اور شاہ زین کے مابین ہونیوالے مذاکرات بھی بے سود ثابت ہوئے ہیں۔

شاہ زین کا کہنا ہے کہ سپریم کورٹ کے احکامات کے باوجود مہاجرین کو ڈیرہ بگٹی نہیں جانے دیا جا رہا، جب تک ڈیرہ بگٹی جانے کی اجازت نہیں دی جائے گی دھرنا جاری رہے گا۔اس حوالے سے شاہ زین بگٹی کا مزید کہنا ہے کہ ان کا کوئی سیاسی مطالبہ نہیں بس گھر واپس جانا چاہتے ہیں لیکن ایس ایس پی کشمور کی جانب سے گرفتار کیے جانے کی دھمکیاں دی جا رہی ہیں۔

مزید متعلقہ خبریں پڑھئیے‎ :

وقت اشاعت : 20/01/2014 - 12:20:05

متعلقہ عنوان :

اپنی رائے کا اظہار کریں