وزیراعظم اور آرمی چیف کا ٹیلی فونک رابطہ، فورسز پر حالیہ حملوں پر تبادلہ خیال

پیر 20 جنوری 2014 12:20

اسلام آباد(اُردو پوائنٹ تازہ ترین اخبار۔ 20جنوری 2014ء) وزیراعظم نواز شریف اور آرمی چیف جنرل راحیل شریف کے درمیان ٹیلی فونک رابطہ ہوا ہے جس میں سیکیورٹی فورسز پر ہونے والے حالیہ حملوں پر تبادلہ خیال کیا گیا ہے۔ ذرائع کے مطابق وزیر اعظم نواز شریف اور آرمی چیف جنرل راحیل شریف کے درمیان ٹیلی فونک رابطے میں گزشتہ روز بنوں جب کہ آرج راولپنڈٰی میں ہونے والے حملے سے متعلق تبادلہ خیال اور موجودہ سیکیورٹی سمیت ملک کی مجموعی صورتحال پر تبادلہ خیال کیا گیا۔

ذرائع کے مطابق اس موقع پر آرمی چیف جنرل راحیل شریف کا کہنا تھا کہ سیکیورٹی فورسز پر حملوں کے باوجود پاک فوج کے حوصلے بلند ہیں اور ہر صورت میں ان حالات کا مقابلہ کیا جائے گا۔ آرمی چیف جنرل راحیل شریف نے وزیراعظم کوسیکیورٹی کے مزید موثراقدامات سے آگاہ بھی کیا۔

(جاری ہے)

ذرائع کے مطابق وزیراعظم نے آراے بازارخودکش حملے میں شہید ہونے والے سیکیورٹی فروسزکے جوانوں کوخراجِ عقیدت پیش کرتےہوئے کہاکہ عوام اورملک کے تحفظ کے لیےجانیں قربان کرنے والوں کی سلام پیش کرتے ہیں۔

وزیراعظم نواز شریف کا کہنا تھا کہ دہشت گرد بزدلانہ کارروائیوں سے حکومت، مسلح افواج اورعوام کے حوصلے کمزور نہیں کرسکتے، دہشت گردی کو جڑ سے اکھاڑ کرملک کی امن کوگہوارہ بنائیں گے۔ واضح رہےکہ گزشتہ روز بنوں کے علاقے کینٹ میں سیکیورٹی فورسز کے قافلے پر حملے کے نتیجےمیں 23 اہلکار جاں بحق جب کہ آج راولپنڈی میں آر اے بازار میں پولیس اور پاک فوج کی مشترکہ چیک پوسٹ پر خودکش حملے میں 6 سیکیورٹی اہلکاروں سمیت 12 افراد جاں بحق ہوئے۔

Facebook Twitter Google + Share on Whatsapp

وزیراعظم اور آرمی چیف کا ٹیلی فونک رابطہ، فورسز پر حالیہ حملوں پر تبادلہ خیال

متعلقہ عنوان :

مزید اہم خبریں