ششی تھرور کی اہلیہ کی موت کی وجہ خواب آور دواؤں کی زیادہ مقدار ہو سکتی ہے ،حتمی ..
تازہ ترین : 1

ششی تھرور کی اہلیہ کی موت کی وجہ خواب آور دواؤں کی زیادہ مقدار ہو سکتی ہے ،حتمی جواب کیلئے پوسٹ مارٹم رپورٹ کا انتظارہے ،ڈاکٹر ز،بھارتی وزیر کی بیوی کے جسم پر زخموں کے نشانات بھی ملے ہیں ، کوئی بھی جان لیوا زخم نہیں تھا ، رپورٹ ، دہلی پولیس کو سنندا پشکر کے کمرے سے ذہنی دباؤ اور نیند کی کمی دور کر نے والی ادویات کے پیکٹس ملے ہیں ، بھارتی میڈیا

نئی دہلی(اُردو پوائنٹ اخبار تازہ ترین۔19 جنوری ۔2014ء)ڈاکٹروں نے کہا ہے کہ ششی تھرور کی اہلیہ کی موت کی وجہ خواب آور دواؤں کی زیادہ مقدار ہو سکتی ہے ،حتمی جواب کیلئے پوسٹ مارٹم رپورٹ کا انتظارہے ۔ میڈیارپورٹ کے مطابق بھارتی وزیرمملکت ششی تھرور کی اہلیہ کی پوسٹ مارٹم رپورٹ تو 2 دن میں آجائیگی مگر پوسٹ مارٹم کرنے والے ڈاکٹروں کو سنندا پشکر کے خون میں خواب آور ادویات کے نمونے ملے ہیں۔

جسے ان کی موت کی ممکنہ وجہ کہا جا رہاہے۔دہلی کے آل انڈیا انسٹی ٹیوٹ آف میڈیکل سائنس کے ڈاکٹروں نے سنندا پشکر کی ابتدائی پوسٹ مارٹم رپورٹ سے پردہ اٹھادیا ہے۔ڈاکٹروں کے مطابق سنندا کی ہلاکت کے پیچھے خواب آور ادویات کا استعمال ہوسکتا ہے۔ہسپتال کے سینئر معالج ڈاکٹر سدھیر گپتا کا کہنا ہے کہ سنندا پشکر کے خون کے نمونے بھی حاصل کیے گئے ہیں تاکہ یہ جانا جاسکے کہ ان ادویات کے باعث کتنا زہر پھیلا۔بھارتی وزیر کی بیوی کے جسم پر زخموں کے نشانات بھی ملے ہیں تاہم ان میں سے کوئی بھی جان لیوا زخم نہیں تھا۔ادھر بھارتی میڈیا کے مطابق دلی پولیس کو بھی سنندا پشکر کے کمرے سے ان ادویات کے پیکٹس ملے ہیں جو عام طور پر ذہنی دباؤ اور نیند کی کمی دورکرنے کیلئے استعمال کی جاتی ہیں

وقت اشاعت : 19/01/2014 - 12:55:43

متعلقہ عنوان :

اپنی رائے کا اظہار کریں