سیدنا برہان الدین کی تدفین کے موقع بھگدڑ مچنے سے 18 افراد ہلاک، درجنوں زخمی

ہفتہ 18 جنوری 2014 15:50

ممبئی(اُردو پوائنٹ تازہ ترین اخبار۔ 18جنوری 2014ء) بھارت میں بوہری برادری کے روحانی پیشوا سیدنا برہان الدین کی آخری رسومات کے دوران بھگدڑ مچنے سے 18افراد ہلاک اور درجنوں زخمی ہو گئے۔

(جاری ہے)

بھارتی میڈیا رپورٹس کے مطابق ممبئی کےعلاقے گڑگوم میں مالابار ہل میں بوہری برادری کے روحانی پیشوا سیدنا برہان الدین کی آخری رسومات کی ادائیگی کے موقع پر ہزاروں افراد جمع تھے، اچانک بھگدڑ مچنے سے 18 افراد ہلاک اور 50 زخمی ہو گئے، واقعے میں ہلاک اور زخمی ہونے والوں کو قریبی اسپتالوں میں منتقل کر دیا گیا ہے جبکہ پولیس نےعلاقے کی ناکہ بندی کر دی۔

واضح رہے کہ بوہری برادی کے روحانی پیشوا سیدنا برہان الدین گزشتہ روز بھارتی شہر ممبئی میں 102 سال کی عمر میں دل کا دورہ پڑنے سے انتقال کر گئے تھے، وہ بوہری جماعت کے باون ویں پیشوا تھے اور پوری دنیا میں جانے جاتے تھے۔

متعلقہ عنوان :