وفاقی وزیر خزانہ سینیٹراسحاق ڈار نے ملک میں کینسر کی ادویات کی قلت سے متعلق خبر کا نوٹس لے لیا ،شوکت خانم میموریل ہسپتال سمیت کینسر کا علاج کرنے والے تمام ہسپتالوں کو پاکستان میں عدم دستیاب ادویات درآمد کرنے کی اجازت دینے کا فیصلہ
جمعہ 17 جنوری 2014 23:18
اسلام آباد(اُردو پوائنٹ اخبار تازہ ترین۔17 جنوری ۔2014ء) وفاقی وزیر خزانہ سینیٹراسحاق ڈار نے ملک میں کینسر کی ادویات کی قلت سے متعلق خبر کا نوٹس لیتے ہوئے شوکت خانم میموریل ہسپتال سمیت کینسر کا علاج کرنے والے تمام ہسپتالوں کو پاکستان میں عدم دستیاب ادویات درآمد کرنے کی اجازت دینے کا فیصلہ کیا ہے۔جمعہ کو یہاں سٹیک ہولڈرز کا ایک اجلاس وزیر خزانہ اسحاق ڈار کی زیر صدارت ہوا جس میں ملک میں کینسر کی ادویات کی دستیابی کی صورتحال کا جائزہ لیا گیا۔
اجلاس میں سٹیئرنگ کمیٹی برائے اسلامی بینکاری کے چیئرمین سعید احمد‘ مشیر خزانہ رانا اسد امین‘ سیکرٹری صحت امتیاز عنایت الٰہی‘ چیئرمین ایف بی آر طارق باجوہ‘ شوکت خانم میموریل ہسپتال اور ڈرگ ریگولیٹری اتھارٹی کے نمائندوں‘ ڈائریکٹر جنرل ہیلتھ‘ نارکوٹکس کنٹرول بورڈ اور دیگر سینئر حکام نے بھی شرکت کی۔(جاری ہے)
اجلاس میں مختلف تجاویز کو زیر غور لانے اور ادویات کی دستیابی کی صورتحال کا جائزہ لینے کے بعد فیصلہ کیا گیا کہ شوکت خانم میموریل ہسپتال سمیت کینسر کا علاج کرنے والے تمام ہسپتالوں کو سرٹیفکیٹ آف فارما سیوٹیکل پروڈکٹ پر این او سی یا فری سیل سرٹیفکیٹ دیا جائے گا۔
اجلاس سے خطاب کرتے ہوئے وزیر خزانہ نے کہا کہ موجودہ حکومت وزیراعظم محمد نواز شریف کی قیادت میں ملک میں ادویات بالخصوص زندگی بچانے والی ادویات کی مناسب قیمتوں پر دستیابی کو یقینی بنانے کے لئے پرعزم ہے تاکہ عام آدمی کو بہتر علاج کی سہولیات میسر آسکیں۔ اجلاس کو بتایا گیا کہ اس اجازت نامہ کی بدولت منظور شدہ عرصہ کے دوران مقدار کی حد کے بغیر پروڈکٹ بار بار درآمد کی جاسکے گی۔ یہ اجازت ملک میں عدم دستیاب رجسٹرڈ اور غیر رجسٹرڈ دونوں طرح کی ادویات کے لئے ہوگی۔ اس طرح کینسر کے مریضوں کا علاج کرنے والے ہسپتال پاکستان میں عدم دستیاب ادویات براہ راست درآمد کر سکیں تاکہ کینسر کے مریضوں کی تکلیف میں کمی لائی جاسکے۔ اس فیصلے کے نتیجے میں ملک میں کینسر کی ادویات کی درآمد میں حائل رکاوٹیں دور کرنے اور مستقبل میں قلت کے مسئلہ کو حل کرنے میں مدد ملے گی۔ اجلاس میں ایف بی آر کے چیئرمین طارق باجوہ نے بتایا کہ حکومت کی جانب سے ایک علیحدہ ایس آر او جاری کیا گیا تھا جس میں شوکت خانم میموریل ہسپتال کے نمائندے نے ان فیصلوں کو بروقت اور مسئلہ کے حل کی جانب ایک اہم قدم قرار دیتے ہوئے وفاقی وزیر خزانہ اور حکومت کا شکریہ ادا کیا۔مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.