نادرا آرڈیننس کے مطابق دوہری شہریت پر پابندی نہیں سابق چیئرمین نے دوہری شہریت چھپا کر غلط بیانی کی ،بلیغ الرحمن
جمعہ 17 جنوری 2014 15:38
اسلام آباد (اُردو پوائنٹ تازہ ترین اخبار۔ 17جنوری 2014ء) وفاقی وزیر مملکت برائے داخلہ بلیغ الرحمن نے سینیٹ کو بتایا ہے کہ نادرا آرڈیننس کے مطابق دوہری شہریت پر پابندی نہیں لیکن سابق چیئرمین نے دوہری شہریت چھپائی اور غلط بیانی کی ، حکومت کو قائم مقام چیئرمین تعینات کرنے کا اختیار ہے، کوئی کوتاہی ہوئی ہے تو اسے دیکھ لینگے، اسلام آباد پولیس کے تیرہ افسران کو قصور وار ثابت ہونے پر سزائیں دی گئی ہیں ، نا اہلی اور کرپشن میں ملوث دیگر افسران کی انکوائری جاری ہے۔
جمعہ کو سینیٹ کے اجلاس میں وقفہ سوالات کے دوران وزیر مملکت برائے داخلہ بلیغ الرحمن نے کہا کہ نادرا نے گزشتہ پانچ سالوں میں تین ارب 91 کروڑ روپے غیر ملکی ذرائع سے کمائے اور یہ سابق چیئرمین کی وجہ سے نہیں بلکہ ایک ٹیم ورک کا نتیجہ تھا ، ان کی کینیڈین نیشنلٹی تھی انہیں چاہئے تھا کہ وہ اپنی سی وی میں اس سے آگاہ کرتے لیکن انہوں نے دوہری شہریت کو چھپایا اور غلط بیانی کی، دوہری شہریت پر پابندی نہیں بھی تھی لیکن ادارے کو بتانا ضروری تھا ، انہوں نے کہا کہ حکومت تمام وفاقی اداروں میں آڈٹ کو یقینی بنائے گی، قواعد کے مطابق حکومت نے قائم مقام چیئرمین نادرا کو تعینات کیا اور بورڈ کے سات ممبران نے ان کی توثیق بھی کی انہوں نے کہا کہ قوانین میں کہیں بھی نہیں لکھا ہوا کہ نادرا کا چیئرمین بورڈ کا سینئر ممبر ہوگا اور نہ ہی یہ لکھا ہوا ہے کہ حکومت قائم مقام چیئرمین تعینات نہیں کرسکتی، اگر کہیں کوئی کوتاہی ہے تو اسے دیکھ لینگے، انہوں نے کہا کہ سابق چیئرمین کی برطرفی میں صرف دوہری شہریت ہی بنیاد نہیں تھی اور بھی بہت ساری معلومات تھیں، انہوں نے بتایا کہ اسلام آباد پولیس کے 148 افسران کو نا اہلی اور کرپشن کی بنیاد پر سائیڈ لائن کیا گیا ہے ،13 افسران کو سزائیں دی گئی ہیں جبکہ مزید چالیس افسران کی تحقیقات کی جارہی ہیں ، انہوں نے یقین دلایا کہ حکومت میرٹ کو یقینی بنائے گی اگر کسی پولیس افسر کو لگتا ہے کہ اس کیساتھ ناانصافی ہوئی ہے تو وہ عدالت سے رجوع کرسکتا ہے۔(جاری ہے)
متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.