پشاور بم دھماکے کا مقدمہ درج،31 زخمیوں کو ابتدائی طبی امداد کے بعد فارغ کر دیا گیا
جمعہ 17 جنوری 2014 11:50
پشاور(اُردو پوائنٹ تازہ ترین اخبار۔ 17جنوری 2014ء) پشاور کے تبلیغی مرکز میں دھماکے کے بعد مزید دو بم برآمد کر لئے گئے،نوشہرہ تبلیغی مرکز سے ملنے والے بم کو ناکارہ بنا دیا گیا۔پشاور بم دھماکے کا مقدمہ مچنی روڈ تھانے میں درج کر لیا گیا۔ پشاور میں چارسدہ روڈ پر واقعہ تبلیغی مرکز میں ہونے والے بم دھماکے کے باعث شہر کی فضا سوگوار ہے۔واقعے کا مقدمہ تھانہ مچنی گیٹ میں درج کر لیا گیا ہے،ایف آئی آر نامعلوم دہشت گردوں کے خلاف درج کی گئی ہے۔پولیس نے شواہد تحویل میں لے کر تفتیش شروع کر دی ہے۔تبلیغی مرکز میں مشکوک بیگ کی اطلاع ملنے پر جائے وقوعہ سے مزید دو بم بھی برآمد کئے گئے ۔ حکام کے مطابق پہلے دھماکے کے بعد جیمرز لگانے کی وجہ سے یہ بم نہ پھٹ سکے۔
(جاری ہے)
نوشہرہ کینٹ کے تبلیغی مرکز سے بھی ایک بم ملا جسے ناکارہ بنا دیا گیا اور ایک مشکوک شخص کو بھی گرفتار کر لیا گیا۔
پشاور تبلیغی مرکز میں دھماکے کے بعد ملنے والے تینوں بموں میں مماثلت بتائی گئی ہے۔تینوں بم گھی کے ڈبوں میں نصب کئے گئے اور اُن کے ساتھ موبائل فون سیٹ بھی ساتھ لگائے گئے تھے۔تمام بم ایک ہی جیسے وزن کے تھے،گذشتہ روز نماز مغرب کے دوران تبلیغی اجتماع میں ہونے والے بم دھماکے میں آٹھ افراد جاں بحق اور انسٹھ زخمی ہو گئے تھے۔لیڈی ریڈنگ ہسپتال انتظامیہ کے مطابق اکتیس افراد کو طبی امداد کے بعد ہسپتال سے فارغ کر دیا گیا،اٹھائیس زخمی زیرعلاج ہیں جن میں دو کی حالت نازک ہے۔ابتدائی رپورٹس کے مطابق دھماکا خیز مواد پہلے سے نصب کیا گیا تھا جسے ٹائم ڈیوائس کے ذریعے اڑایا گیا۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.