توانائی بحران پر قابو پانے کیلئے روس کے ساتھ کیے گئے جوہری معاہدوں پر عملدرآمد ..
تازہ ترین : 1

توانائی بحران پر قابو پانے کیلئے روس کے ساتھ کیے گئے جوہری معاہدوں پر عملدرآمد کیا جائیگا ، بھارت

نئی دہلی (اُردو پوائنٹ تازہ ترین اخبار۔ 16جنوری 2014ء)بھارت نے کہا ہے کہ توانائی بحران پر قابو پانے کیلئے روس کے ساتھ کیے گئے جوہری معاہدوں پر عملدرآمد کیا جائیگا۔نئی دہلی میں بھارتی وزیراعظم کے مشیر وی ناراناسمی نے میڈیا سے بات چیت کرتے ہوئے کہا کہ توانائی بحران پر قابو پانا حکومت کی اولین ترجیح ہے اور اس ضمن جنوبی ضلع کندن کولم میں روسی اشتراک سے جوہری ریکٹر کی تعمیر جاری ہے، جو رواں سال اکتوبر سے کام شروع کردیگا۔

انہوں نے کہا کہ رشیا کے ساتھ مختلف اضلاع میں مزید جوہری ریکٹر کی تعمیری منصوبے پر بات چیت چل رہی ہے جس سے ہزاروں میگاواٹ بجلی پیدا کی جاسکے گی، ناراناسمی کا کہنا تھا کہ ان پراجیکٹ پر آنے والی لاگت کو پبلک کیا جائے اور اسمبلی میں بحث بھی کرائی جائے گی۔انہوں نے کہا کہ روسی اشتراک سے تعمیر پہلے کندن کولم پاور پلانٹ سے دو گیگا بائٹ بجلی پیدا کی جائیگی، جس سے ہزاروں افراد کو بجلی سے مستفید ہونگے۔

مزید متعلقہ خبریں پڑھئیے‎ :

وقت اشاعت : 16/01/2014 - 13:20:32

متعلقہ عنوان :

اپنی رائے کا اظہار کریں