جماعت اسلامی قومی اداروں کی نجکاری کے خلاف اینٹی نجکاری مہم چلائے گی ، امیر جماعت اسلامی ،اسٹیل ملز کے ملازمین کو تنخواہوں کی فی الفور ادائیگی کی جائیں، قومی اداروں کی نجکاری کا مسئلہ پارلیمنٹ میں اٹھا یا جائے ، امور نجکاری کمیشن قائم کیا جائے‘ سید منور حسن کا ادارہ نورحق میں پرہجوم پر یس کانفرنس سے خطاب
اتوار 12 جنوری 2014 20:46
کراچی (اُردو پوائنٹ اخبار تازہ ترین۔12 جنوری ۔2014ء) جماعت اسلامی پاکستان کے امیر سید منور حسن نے کہا ہے کہ حکومت عوام کی خدمت کے بجائے مسائل میں اضافہ کررہی ہے ، اپنی ناکامی ، نا اہلی کو چھپانے اور اپنوں کو نوازنے کیلئے قومی اداروں کی نجکاری کی جارہی ہے ، جماعت اسلامی اینٹی نجکاری تحریک چلائی گی ۔
(جاری ہے)
نجکاری کا معاملہ پارلیمنٹ میں لایا جائے اور اس حوالے سے کمیشن قائم کیا جائے ، ان خیالات کا اظہار انہوں نے اتوار کو ادارہ نورحق میں پریس کانفرنس سے خطاب کر تے ہوئے کیا، اس موقع پر جماعت اسلامی کراچی کے امیر حافظ نعیم الرحمن ، نائب امراء مظفراحمد ہاشمی ، مسلم پرویز ، سیکریٹری عبدالوہاب ، سیکریٹری اطلاعات زاہد عسکری ، پاسلو کے جنرل سیکریٹری ظفر خان ، پیاسی یونین کے جنرل سیکریٹری عبیدا للہ اور دیگر بھی موجود تھے ، سید منور حسن نے خطاب کر تے ہوئے مزید کہا کہ موجودہ حکومت کو قائم ہوئے اتنے دن ضرور ہوگئے ہیں کہ جس میں عوام سے کئے گئے وعدے پورے کئے جاتے اور حکمران جماعت اپنے منشور پر عمل درآمد کرتی مگر حکومت سمت معکوس میں سفر کررہی ہے ، روزگار کی فراہمی اور لاقانونیت کے خاتمے کے بجائے حکومت اپنی نااہلی اور ناکامی کو چھپانے کیلئے قومی اداروں کی نجکاری کی جارہی ہے اور قوم کو نجکاری کے فوائد بتائے جا رہے ہیں انہوں نے کہا کہ نجکاری کے معاملے میں تمام سیاسی جماعتوں کا ایک ہی موقف ہے ، جماعت اسلامی نجکاری کے خلاف سیمینار ز اور کانفرنس کے ساتھ ساتھ اینٹی نجکاری تحریک بھی چلائے گی لاہور میں اس حوالے سے ایک قومی کانفرنس منعقد کی گئی جبکہ نجکاری کے حوالے سے بنائی جانے والی کمیٹی کا اجلاس 16جنوری کو منعقد کیا جائے گا ، انہوں نے کہا کہ قومی اداروں کی نجکاری سیاسی نہیں قومی مسئلہ ہے یہ مسئلہ ڈرائنگ روم کی سیاست سے حل نہیں کیا جاسکے گا اس کیلئے عوام کو متحرک کرنا ہو گا ،جماعت اسلامی نے اس حوالے سے منصبوبہ بندی کرلی ہے ہم پر امن تحریک چلائیں گے ملک کے اندر ایسے سیاسی کارکن موجود ہیں جو بھرپور تحریک چلانے کی صلاحیت رکھتے ہیں ، انہوں نے کہا کہ حکومت نے قومی اداروں کی نجکاری کے حوالے سے آئی ایم ایف کو خط لکھا ہے جس میں کہا گیا ہے کہ ہم قرضوں کی تمام شرائط کو تسلیم کرتے ہیں ، وزیر اعظم ، کا بینہ اور چاروں صوبائی حکومتوں نے اس کی منظوری دے دی ہے ، حکومت کا یہ خط سراسر جھوٹ پر مبنی ہے ، وزیر خرانہ اور گورنر اسٹیٹ بینک نے سفید جھوٹ بولا ہے ، وزیراعلی سندھ کھل کر کہہ چکے ہیں کہ ہم نجکاری کے خلاف ہیں ، حقیقت یہ ہے کہ اس حوالے سے کوئی اجلاس نہیں ہوا، ہم محسوس کرتے ہیں کہ اپنے لوگوں کو نوازنے کیلئے نجکاری کی پالیسی بنائی جارہی ہے انہوں نے کہا کہ نجکاری قومی مسئلہ ہے ایسے پارلیمنٹ میں زیر بحث لایا جائے اور اس حوالے سے کمیشن تشکیل دیاجائے اور عوام کو بتایا جائے کہ نجکاری سے اب تک کیا فوائد حاصل ہو ئے ہیں جس میں بینکوں کی نجکاری بھی شامل ہے ، انہوں نے کہا کہ سفید جھوٹ سے معاملات کو حل کرنے کی کوشش کی گئی تو حکومت کو مہنگی پڑے گی ، انہوں نے مزید کہا کہ اسٹیل ملز کے ملازمین کو تین ماہ سے تنخواہیں نہیں ملیں لوگ ردعمل کا شکار اور نفسیاتی مریض بن رہے ہیں ملازمین کی تنخواہیں روک لینا خود دہشت گردی ہے یہ ریاستی دہشت گردی کے مترادف ہے ۔
متعلقہ عنوان :
مزید اہم خبریں
-
’سبھی امریکی سیاستدان ایک جیسے‘، خود سوزی کرنے والے کا الزام
-
عراق میں فوجی اڈے پر حملہ، ایران نواز مسلح گروہ نشانے پر
-
بشریٰ بی بی کا میڈیکل چیک اپ مکمل واپس بنی گالا سب جیل منتقل کر دیاگیا
-
آئی ایم ایف کیساتھ ایک اور ڈیل ،پھر 2016کی طرح خیرباد کہا جائے گا‘ رانا مشہود
-
وفاقی وزیر خزانہ کی آئی ایم ایف /ورلڈ بینک کےا جلاس کے موقع پر مصروفیات، اہم شخصیات سے ملاقاتیں
-
شمالی کوریا کا اٹیمی وارہیڈ لیجانے کی صلاحیت کے حامل کروزمیزائل کا تجربہ
-
پاکستان آئی ایم ایف کے بڑے اور طویل المدتی بیل آئوٹ پروگرام کا خواہاں ہے، وزیر خزانہ محمد اورنگزیب کا ٹی آر ٹی ورلڈ کو انٹریو
-
معروف عالم دین ڈاکٹراسرار احمد کا یوم پیدائش 26 اپریل کو منایا جائے گا
-
محکمہ داخلہ پنجاب کی ضمنی انتخابات کے دوران موبائل، انٹرنیٹ سروس معطل کرنے کی سفارش
-
وزیرخزانہ سے ورلڈ بینک کے علاقائی نائب برائے جنوبی ایشیاء سے ملاقات ،مختلف امورپر غور
-
وفاقی وزیر خزانہ کا سی پیک کے دوسرے مرحلے میں تیزی لانے کے لیے حکومت پاکستان کے عزم کا اظہا
-
سی پیک کے باعث پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں،وزیراعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.