بھارتی شہر کولہاپور میں شیو سینا کی دہشتگردی، دو ٹول ٹیکس بوتھ جلادئیے،کانگریس ..
تازہ ترین : 1

بھارتی شہر کولہاپور میں شیو سینا کی دہشتگردی، دو ٹول ٹیکس بوتھ جلادئیے،کانگریس اور دیگر پارٹیوں نے جلاوٴ، گھیراوٴ اور حملے کے عمل کو شیوسینا کی دہشتگردی قرار دیدیا

کولہاپور (اُردو پوائنٹ اخبار تازہ ترین۔12 جنوری ۔2014ء)بھارتی شہر کولہا پور میں ہندو بنیاد پرست پارٹی شیوسینا نے ٹول ٹیکس بوتھ پر حملہ کرکے دو بوتھ توڑ دئیے۔بھارتی ٹی وی کے مطابق بھارتی ریاست مہاراشٹر کے شہر کولہا پور میں ٹول ٹیکس بوتھ بننے پر وہاں کے مکین ناراض تھے تاہم انتظامیہ سے بات چیت کے بعد یہ طے ہوا کہ بوتھ کے قریب رہائش پذیر شہری کوئی ٹول ٹیکس نہیں دیں گے۔

ہندو شدت پسند پارٹی سنگ پریوار کی ذیلی تنظیم شیو سینا کے شدت پسندوں نے کولہا پور کے دو ٹول ٹیکس بوتھ پر حملہ کردیا اور وہاں موجود ٹھیلے، دکانیں اور عوام کا دیگر سامان توڑ کر ٹول بوتھ کو آگ لگادی۔ کانگریس اور دیگر پارٹیوں نے جلاوٴ، گھیراوٴ اور حملے کے اس عمل کو شیوسینا کی دہشتگردی قرار دیا اور کہا کہ ٹول ٹیکس کا معاملہ کولہا پوری شہریوں اور حکومت میں حل ہوچکا تھا اب حملہ کھلی دہشتگردی ہے

مزید متعلقہ خبریں پڑھئیے‎ :

وقت اشاعت : 12/01/2014 - 20:42:09

متعلقہ عنوان :

اپنی رائے کا اظہار کریں