انٹرنیشنل ہیومن رائٹس کمیشن نے جان کا نذرانہ پیش کرنے والے اعتزاز حسن کو بہادری ..
تازہ ترین : 1

انٹرنیشنل ہیومن رائٹس کمیشن نے جان کا نذرانہ پیش کرنے والے اعتزاز حسن کو بہادری کے عالمی ایوارڈ سے نوازا ،انٹر نیشنل کمیونٹی کی جانب سے وفد کی ہنگو میں اعتزاز حسن کی قبر پر حاضری ، خراج عقیدت پیش کیا

ہنگو(اُردو پوائنٹ اخبار تازہ ترین۔12 جنوری ۔2014ء) انٹرنیشنل ہیومن رائٹس کمیشن نے خودکش بمبار کو اسکول میں داخل ہونے سے روک کر اپنی جان کا نذرانہ پیش کرنے والے اعتزاز حسن کو بہادری کے عالمی ایوارڈ سے نوازا ہے۔ذرائع کے مطابق انٹر نیشنل ہیومن رائٹس کمیشن کے رکن ڈاکٹر شاہد محمد نے ہنگو میں اعتزاز حسن شہید کی قبر پر حاضری دی اور فاتحہ خوانی کی، اس موقع پر انٹرنیشنل ہیومن رائٹس کمیشن کے اہلکاروں نے اعتزاز کے والد مجاہد علی سے بھی تعزیت کی اور انہیں ان کے بیٹے کی شجاعت پر بہادری کے عالمی ایوارڈ سے نوازا۔

قبل ازیں انٹر نیشنل کمیونٹی کی جانب سے ایک وفد نے بھی ہنگو میں اعتزاز حسن کی قبر پر حاضری دی اور ان کو خراج عقیدت پیش کیا۔واضح رہے کہ 6 جنوری کو اعتزاز حسن نے گورنمنٹ ہائی اسکول ابراہیم زئی میں خود کش بمبار کو اسکول میں داخل ہونے سے روک کر اپنی جان کا نذرانہ پیش کر کے 1500 سے 2 ہزار جانوں کو محفوظ بنایا تھا۔

وقت اشاعت : 12/01/2014 - 20:38:57

اپنی رائے کا اظہار کریں