عمران خان کی طرف سے سیاسی کارکن کی موت کو پوائنٹ سکورنگ کے لئے استعمال کرنا افسوسناک ..
تازہ ترین : 1

عمران خان کی طرف سے سیاسی کارکن کی موت کو پوائنٹ سکورنگ کے لئے استعمال کرنا افسوسناک ہے‘ رانا ثناء اللہ ،سیاست میں منفی وطیرہ عمران خان کی سیاست کا محور بن گیا ہے ،وہ ہر مسئلے پر بلا سوچے سمجھے طبع آزمائی کرتے رہتے ہیں‘ وزیر قانون پنجاب

لاہور (اُردو پوائنٹ اخبار تازہ ترین۔12 جنوری ۔2014ء)وزیرقانون و بلدیات پنجاب رانا ثناء اللہ خان نے کہا ہے افسوس ہے کہ عمران خان نے ایک کارکن کی موت کو بھی سیاسی پوائنٹ سکورنگ کے لئے استعمال کیا ہے،حقائق سامنے آنے پر ہو سکتا ہے کہ عمران خان کو اپنے کہے پر پشیمانی کا سامنا کرنا پڑے،تنقید سے پہلے عمران خان خیبرپختونخوا میں اپنی کارکردگی پر ضرور نظر ڈال لیا کریں،میرٹ حکومت پنجاب کا طرہ امتیاز ہے‘ عمران خان میں نہ مانوں کی پالیسی چھوڑ دیں۔

عمران خان کے بیان پر اپنے ردعمل کا اظہار کرتے ہوئے رانا ثناء اللہ خان نے کہا کہ سیاست میں منفی وطیرہ عمران خان کی سیاست کا محور بن گیا ہے اور وہ ہر مسئلے پر بلا سوچے سمجھے طبع آزمائی کرتے رہتے ہیں۔ انہوں نے کہا کہ ان کے تبدیلی کے نعرے اب مذاق بن کر رہ گئے ہیں۔ عوام پر ان کی اصلیت عیاں ہو چکی ہے۔ لاہور کی فلاپ ریلی اس کی ایک مثال ہے جس میں عوام نے شرکت نہ کر کے ان کی پالیسیوں کو مسترد کر دیاہے۔

مزید متعلقہ خبریں پڑھئیے‎ :

وقت اشاعت : 12/01/2014 - 20:20:24

اپنی رائے کا اظہار کریں