قبائلی علاقوں سے دہشتگردی اقتصادی طریقے سے ختم ہو گی، آرمی چیف

جمعہ 10 جنوری 2014 12:04

راولپنڈی(اُردو پوائنٹ تازہ ترین اخبار۔ 10جنوری 2014ء) آرمی چیف جنرل راحیل شریف کا کہنا ہے کہ قبائلی علاقوں میں صرف سماجی اور اقتصادی ترقی سے دہشتگردی سے نمٹا جا سکتا ہے۔ جی ایچ کیو راولپنڈی میں آرمی چیف جنرل راحیل شریف نے امریکی دانشور اور سابق سفارتکار اکبر ایس احمد سے ملاقات کی اور انہیں تصنیف پیش کی۔

(جاری ہے)

کتاب میں پاکستان کے قبائلی علاقوں سمیت مسلمان ممالک میں قبائلی معاشروں اور ان کی مرکزی حکومتوں کے درمیان لڑائی کے چالیس کیسز کا تجزیہ شامل ہے۔

اکبر ایس احمد سے گفتگو میں آرمی چیف جنرل راحیل شریف نے کہا کہ قبائلی علاقوں میں دہشتگردی کا خاتمہ صرف سماجی اور اقتصادی ترقی سے ممکن ہے۔ قبائلی علاقوں سے متعلق حکومت اور آرمی کا موقف یکسیاں ہیں۔ دوسری جانب آرمی چیف جنرل راحیل شریف نے چوہدری اسلم شہید پر حملے کی مذمت کرتے ہوئے انہیں خراج عقیدت پیش کیا ۔ انہوں نے کہا پولیس اور قانون نافذ کرنے والے اداروں کی خدمات قابل ستائش ہیں۔ آرمی چیف نے کہا پوری قوم دہشت گردی کے خاتمے کے لئے متحد ہے۔

Facebook Twitter Google + Share on Whatsapp

قبائلی علاقوں سے دہشتگردی اقتصادی طریقے سے ختم ہو گی، آرمی چیف

متعلقہ عنوان :

مزید اہم خبریں