اسلام آباد میں تیز رفتار بس الٹنے سے 2 افراد جاں بحق، 25 زخمی
تازہ ترین : 1

اسلام آباد میں تیز رفتار بس الٹنے سے 2 افراد جاں بحق، 25 زخمی

اسلام آ باد(اُردو پوائنٹ تازہ ترین اخبار۔ 8جنوری 2014ء) تیز رفتار مسافر بس الٹنے سے 2 افراد جاں بحق جبکہ خواتین اور بچوں سمیت 25 افراد زخمی ہو گئے۔ذرائع کے مطابق راولپنڈی سے مری جانے والی منی بس اسلام آباد میں کلب روڈ پر تیز رفتاری کے باعث بے قابو ہو کر الٹ گئی جس کے نتیجے میں 2 افراد جاں بحق اور 25 زخمی ہو گئے۔ ریسکیو ٹیمیں موقع پر نہ پہنچنے کے باعث مقامی افراد نے 2 لاشوں اور 8 زخمیوں کو پولی کلینک اسپتال راولپنڈی جبکہ 17 زخمیوں کو پمز اسپتال منتقل کیا، زخمیوں میں بڑی تعداد خواتین اور بچوں کی ہے۔

دوسری جانب عینی شاہدین کا کہنا ہے کہ حادثے کے بعد بس کا ڈرائیور موقع سے فرار ہونے میں کامیاب ہو گیا۔پولیس حکام کا کہنا ہے کہ ابتدائی طور پر یہی معلوم ہوتا ہے کہ حادثہ تیز رفتاری کے باعث پیش آیا تاہم مکمل تحقیقات کے بعد ہی کوئی حتمی بیان جاری کیا جا سکتا ہے۔

وقت اشاعت : 08/01/2014 - 14:19:25

متعلقہ عنوان :

اپنی رائے کا اظہار کریں