کراچی میں نجی بینک میں ڈکیتی، ڈاکوؤں کی فائرنگ سے 2سیکیورٹی گارڈز جاں بحق،بینک ..
تازہ ترین : 1

کراچی میں نجی بینک میں ڈکیتی، ڈاکوؤں کی فائرنگ سے 2سیکیورٹی گارڈز جاں بحق،بینک منیجر کو پرچیوں پر کالعدم تحریک طالبان کی جانب سے دھمکیاں مل رہی تھیں، پولیس حکام

کراچی(اُردو پوائنٹ اخبار تازہ ترین۔7 جنوری ۔2014ء) کورنگی میں ڈاکو نجی بینک سے لاکھوں روپے لوٹ کر فرار ہو گئے جبکہ فائرنگ کے نتیجے میں 2 سیکورٹی گارڈز جاں بحق ہو گئے۔ پولیس حکام کے مطابق کورنگی کے نجی بینک میں 5 ڈاکو داخل ہوئے اور سیکیورٹی گارڈز سمیت بینک کے تمام عملے کو یرغمال بنا کر بینک سے لاکھوں روپے لوٹ کر فرار ہو گئے، ڈاکوؤں نے بینک لوٹنے کے بعد فائرنگ کر کے 2 سیکیورٹی گارڈ کو بھی زخمی کر دیا، زخمی ہونے والے گارڈز کو اسپتال منتقل کیا جا رہا تھا کہ وہ دونوں راستے میں ہی زخموں کی تاب نہ لاتے ہوئے دم توڑ گئے، جاں بحق ہونے والے سیکیورٹی گارڈز کی شناخت خالد اور دلشاد کے ناموں سے ہوئی ہے جبکہ دونوں کی لاشوں کو پوسٹ مارٹم کے لئے جناح اسپتال منتقل کر دیا گیا ہے۔

پولیس کے مطابق بینک منیجر کا کہنا تھا کہ اسے دھمکی آمیز پرچیاں موصول ہورہی ہیں جس پر کالعدم تحریک طالبان طالبان کا نام لکھا ہوتا تھا، پولیس نے واقعے کا مقدمہ درج کرکے تحقیقات کا آغاز کر دیا ہے۔

وقت اشاعت : 07/01/2014 - 21:21:32

قارئین کی رائے :

  • ریاض کی رائے : 08/01/2014 - 09:08:23

    اب كچھ لوگ كہیں گے كہ یہ طالبان كا كیا ہوا نہیں ہے اور یہ طالبان كو بدنام كرنے كے لئے كیا گیا ہے . مگر حقیقت كو سب جانتے ہیں . طالبان آج تك ایسے ہی كارروائیاں كیے ہیں جن سے وہ پہلے سے بدنام ہیں اور جو كوئی یہ نہیں جانتا وہ اپنے آنكھوں پر پتہ باندھا ہے . طالبان ان سب غیر اسلامی حركتیں جیسا اغواگری ، بہتہ خوری ، قتل ، غارت گردی و غیرہ كرتے آ رہے ہیں اور ان كا جگہ ضرور جہنم ہوگا . مجہے بیصبری سے ان كی آخری دن كا انتظار ہے

    اس رائے کا جواب دیں

اپنی رائے کا اظہار کریں