پاک فوج کا پرویز مشرف کے خلاف غداری کے مقدمے سے کوئی تعلق نہیں، سیکریٹری دفاع
تازہ ترین : 1
پاک فوج کا پرویز مشرف کے خلاف غداری کے مقدمے سے کوئی تعلق نہیں، سیکریٹری ..

پاک فوج کا پرویز مشرف کے خلاف غداری کے مقدمے سے کوئی تعلق نہیں، سیکریٹری دفاع

اسلام آباد(اُردو پوائنٹ تازہ ترین اخبار۔ 7جنوری 2014ء) سیکریٹری دفاع لیفٹینٹ جنرل ریٹائرڈ آصف یاسین ملک نے کہا ہے کہ پاک فوج کا سابق آرمی چیف پرویز مشرف کے خلاف غداری کے مقدمے سے کوئی تعلق نہیں ہے۔پارلیمنٹ ہاؤس اسلام آباد میں قومی اسمبلی کی قائمہ کمیٹی برائے دفاع کے اجلاس میں شرکت کے بعد میڈیا سے بات کرتے ہوئے آصف یاسین ملک نے کہا کہ سابق صدر پرویز مشرف کے خلاف غداری کا مقدمہ عدالت میں زیر سماعت ہے جہاں فوجی نہیں بلکہ جج بیٹھے ہیں۔

اُنھوں نے کہا کہ وزیر دفاع خواجہ آصف جواب دے چکے ہیں کہ غداری کے مقدمے میں فوج پرویزمشرف کے ساتھ نہیں ہے، سابق آرمی چیف کے خلاف کورٹ مارشل سے متعلق فوج کو دی جانے والی درخواست کے بارے میں انہیں کوئی علم نہیں۔واضح رہے کہ سابق صدر پرویز مشرف پر غداری کا مقدمہ زیر سماعت ہے اور وہ اس وقت ایک فوجی اسپتال میں زیر علاج ہیں تاہم کچھ روز قبل انہوں نے کہا تھا کہ پاک فوج میں ان کے خلاف مقدمے سے تشویش پائی جاتی ہے۔

وقت اشاعت : 07/01/2014 - 15:06:06

متعلقہ عنوان :

اپنی رائے کا اظہار کریں