فیصلوں کیلئے ریفرنڈم کرانے کی کوئی ضرورت نہیں ہوتی ہے‘عمرعبداللہ
منگل 7 جنوری 2014 13:51
سرینگر (اُردو پوائنٹ تازہ ترین اخبار۔ 7جنوری 2014ء)مقبوضہ کشمیر کے کٹھ پتلی وزیر اعلیٰ عمر عبداللہ نے کہا کہ فیصلوں کیلئے ریفرنڈم کرانے کی کوئی ضرورت نہیں ہوتی ہے- عام آدمی پارٹی کے موقف کو مسترد کرتے ہوئے انہوں نے کہا ہے کہ مقبوضہ کشمیر سے فوجی انخلاء اورکالے قوانین کے خاتمے کے لئے ریفرنڈم کی نہیں سیاسی عزم اور بہادر لیڈر کی ضرورت ہے،اہم،مشکل اور نازک فیصلے لیتے وقت سیاسی لیڈر کا بہادر اور پر عزم ہونا بنیادی شرط ہے۔
سمکلی ویب سائٹ پر تحریر کردہ اپنے ایک ٹویٹ میں عمر عبداللہ نے لکھا ہے جموں وکشمیر میں تعینات سیکورٹی فورسز کی تعداد کو کم کرنے اور افسپا کی مرحلہ وار واپسی یا منسوخی عمل میں لانے کیلئے ریفرنڈم کرانے کی کوئی ضرورت نہیں ہے بلکہ اس کیلئے ایک ایسے سیاسی لیڈر کی ضرورت ہے جو بہادری ،عزم اور قوت ارادی کے تحت فیصلہ لے سکے۔(جاری ہے)
انہوں نے کہا ہے کہ جموں و کشمیر میں تعینات فوج اور فورسز کی تعداد میں کمی کے حوالے سے عام آدمی پارٹی کے سینئر لیڈر نے جو تجویز پیش کی ہے،ہم اس سے اتفاق نہیں کرتے،ہم اس بات پر یقین رکھتے ہیں کہ فوج و فورسز کی تعداد میں کمی اور افسپا کی مرحلہ وار واپسی کا فیصلہ بہادر سیاستدان ہی لے سکتا ہے۔
عمر عبداللہ نے اپنے ٹویٹ میں مزید تحریر کرتے ہوئے واضح کیا ہے کہ حکومتوں کو اچھی گورننس یا حکومت سازی کے ساتھ ساتھ اہم فیصلے لینے کیلئے ہی منتخب کیا جاتا ہے۔عمر عبداللہ کے بقول جب جمہوری طور کسی حکومت کو عوام کا منڈیٹ دیا جاتا ہے تو ایسی حکومتیں اچھی حکومت سازی کے ساتھ ساتھ اہم فیصلے بھی لیا کرتی ہیں ، فیصلوں کیلئے ریفرنڈم کرانے کی کوئی ضرورت نہیں ہوتی ہے۔انہوں نے کہا کہ اہم اور نازک فیصلے لیتے وقت سیاسی لیڈر کا بہادر اور پر عزم ہونا بنیادی شرط ہوتی ہے اور جس سیاسی لیڈر میں ایسی خوبیاں ہوں وہ مشکل فیصلے بھی لیا کرتا ہے۔وزیر اعلی نے مزید برآں افسپا کی منسوخی یا واپسی سے متعلق اپنے مطالبے اور موقف کو دہراتے ہوئے کہا ہے کہ یہ فیصلہ بھی کوئی بہادر سیاستدان ہی لے سکتا ہے کہ جموں و کشمیر میں کب مرحلہ وار بنیادوں پر افسپا کی واپسی یا منسوخی عمل میں لائی جائے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.