شام کے شمال مغربی شہر میں ایک کار بم حملے میں چار افراد جاں بحق ، بارہ کے قریب زخمی

ہفتہ 4 جنوری 2014 14:58

دمشق (اُردو پوائنٹ تازہ ترین اخبار۔ 4جنوری 2014ء) شام کے شمال مغربی شہر میں ایک کار بم حملے میں چار افراد جاں بحق اور بارہ کے قریب زخمی ہوگئے۔مقامی میڈیا کے مطابق حملے میں ایک مسجد، اسکول اور ایک عمارت کو نشانہ بنایا گیا، دھماکے کی اطلاع ملتے ہی امدادی ٹیمیں جائے حادثہ پر پہنچ گئیں، زخمیوں کو فوری طبی امداد کے لئے قریبی ہسپتال بھیج دیا گیا۔

(جاری ہے)

زخمیوں میں بعض کی حالت نازک بتائی جاتی ہے ، حملے کی کسی نے ذمے داری قبول نہیں کی، اقوام متحدہ کے رپورٹ کے مطابق شام میں ہونے والی مختلف پرتشدد کاروائیوں میں اب تک ایک لاکھ سے زائد افراد جاں بحق اور لاکھوں بے گھر ہوچکے ہیں۔

متعلقہ عنوان :