اسلحہ خریداری،سابق آئی جی پولیس ملک نوید کے ریمانڈ میں 7دنوں کااضافہ
تازہ ترین : 1

اسلحہ خریداری،سابق آئی جی پولیس ملک نوید کے ریمانڈ میں 7دنوں کااضافہ

پشاور(اُردو پوائنٹ تازہ ترین اخبار۔ 3جنوری 2014ء) احتساب عدالت نے اربوں روپے کی اسلحہ خریداری میں خردبرد کے الزام میں گرفتارسابق آئی جی پولیس ملک نوید کے ریمانڈ میں 7دنوں کااضافہ کر دیا۔احتساب عدالت کے جج ولایت علی شاہ گنڈاپور نے کیس کی سماعت کی۔ نیب حکام نے سابق آئی جی پولیس خیبرپختونخوا ملک نویدکو 43دنوں کے ریمانڈ کے بعد عدالت میں پیش کیا۔

جہاں نیب کے وکلاء نے عدالت کوبتایا کہ ملک نوید نے آئی جی کی حیثیت سے کم بولی دینے والی اسلحہ کمپنی کی بجائے عابدمجید اینڈ سنزآرمزڈیلرکواسلحہ خریداری کاٹھیکہ دیا اورپولیس کے لئے 58غیرمعیاری موٹرسائیکلیں خریدیں۔ انہوں نے عدالت سے درخواست کی کہ یہ ہائی پروفائل کیس ہے جس میں مزید تحقیقات کی ضرورت ہے۔ اس لئے ملزم کے ریمانڈ میں 14دنوں کااضافہ کیا جائے۔ ملک نوید کے وکیل عبدالطیف آفریدی نے الزام لگایا کہ 43دنوں کے ریمانڈ میں 43گھنٹوں کی تفتیش بھی نہیں ہوئی۔ان کے موٴکل کوحراست میں رکھ کراعتراف جرم پرمجبورکیا جارہا ہے۔ عدالت نے ملزم کی ریمانڈ میں 7دنوں کااضافہ کرنے کے احکامات دیے۔

وقت اشاعت : 03/01/2014 - 15:52:38

متعلقہ عنوان :

اپنی رائے کا اظہار کریں