محکمہ زراعت پنجاب نے کاشتکاروں کو آلو کی درجہ بندی کی ہدایت کردی

جمعہ 3 جنوری 2014 15:00

راولپنڈی (اُردو پوائنٹ تازہ ترین اخبار۔ 3جنوری 2014ء) محکمہ زراعت پنجاب نے کاشتکاروں کو آلو کی درجہ بندی کی ہدایت کرتے ہوئے ہے کہ کاشتکار 35 سے 55ملی میٹر گولائی تک کے انڈے کے سائز کے برابر آلو کو بطور بیج استعمال کرنے کیلئے الگ کرلیں ۔ محکمہ زراعت پنجاب کے ذرائع کے مطابق کاشتکاروں کو بھرائی سے پہلے آلووٴں پر لگی مٹی اچھی طرح صاف کر لینی چاہیے اور بھرائی کیلئے پٹ سن کی بوریا ں بھی استعمال کرنی چاہئیں۔

(جاری ہے)

ترجمان نے کہاکہ ڈھیلی بھری ہوئی بوریوں کے نرخ ہمیشہ کم لگتے ہیں اس لئے درجہ بندی کرنے پر فصل کے بہتر نرخ کاحصول ممکن ہو سکتاہے۔ انہوں نے کہاکہ کٹ لگے یا رگڑ سے خراب ہونے والے آلووٴں کی بھرائی ہمیشہ صحت مند آلووٴں سے الگ کرنی چاہیے ۔ انہوں نے کہاکہ اس کیلئے بہتر اور آسان طریقہ یہ ہے کہ آلووٴں کو زمین سے نکال کرٹوکروں میں بھر دیاجائے اور پھر صاف زمین پر پلٹ کر آلووٴں پر لگی تمام مٹی جھاڑ دی جائے جس کے بعد درجہ بندی میں آسانی ہو سکتی ہے ۔

متعلقہ عنوان :