پرویز مشرف کو بیرون ملک جانے سے روکنے کیلئے درخواست دائر
جمعہ 3 جنوری 2014 11:56
اسلام آباد(اُردو پوائنٹ تازہ ترین اخبار۔ 3جنوری 2014ء) پرویز مشرف کو بیرون ملک جانے سے روکنے کیلئے اسلام آباد ہائیکورٹ میں درخواست دائر کر دی گئی۔ درخواست لال مسجد شہدا فائونڈیشن کے حافظ احتشام کی جانب سے دائر کی گئی ہے۔ لال مسجد شہدا فائونڈیشن کی جانب سے دائر کروائی گئی درخواست میں وفاقی وزیر داخلہ، سیکرٹری داخلہ اور آئی جی اسلام آباد کو فریق بنایا گیا ہے۔
درخواست میں موقف اختیار کیا گیا ہے کہ سابق صدر پرویز مشرف غازی عبدالرشید کیس اور مقدمات میں ملوث ہیں۔ اس لئے انھیں پاکستان میں علاج کی بہترین سہولیات فراہم کی جائیں۔ واضع رہے کہ سابق صدر پرویز مشرف عسکری ادارہ برائے امراض قلب میں زیر علاج ہیں۔ انہیں علاج کے لئے لندن منتقل کئے جانے کا امکان ہے۔(جاری ہے)
لندن کے دو معروف ڈاکٹروں سے رابطہ کر لیا گیا ہے۔
سابق صدر پرویز مشرف کی سکیورٹی کے لئے ہسپتال میں رینجرز کی اضافی نفری تعینات کر دی گئی ہے۔ ذرائع کے مطابق جنرل ریٹائرڈ پرویز مشرف کے قریبی ساتھیوں کی جانب سے لندن کے دو بڑے ہسپتالوں کارڈیو ویسکو کلینک ہارلے سٹریٹ اور ویلنگٹن ہسپتال سے رابطہ کیا گیا ہے۔ لندن کارڈیو ویسکولر کلینک کے ڈاکٹر اقبال ملک اور ویلنگٹن ہسپتال کے ڈاکٹر جارج امین یوسف بھائی سے پرویز مشرف کے علاج معالجے کے لئے وقت لیا جارہا ہے۔ ذرائع کے مطابق پرویز مشرف کے خون کے نمونے حاصل کر لئے گئے ہیں۔ سابق صدر کی ابتدائی میڈیکل رپورٹس آج لندن بھیجی جائینگی جن کو دیکھ کر ہی ڈاکٹرز ان کے علاج سے متعلق کوئی فیصلہ کریں گے۔ برطانوی ڈاکٹروں کی جانب سے علاج کیلئے دیا گیا ٹائم شیڈول غداری کیس کی اگلی سماعت پر عدالت میں پیش کیا جائے گا۔ عدالت سے پرویز مشرف کو علاج کیلئے بیرون ملک بھجوانے کی اجازت بھی مانگی جائے گی۔ دوسری جانب وزیر دفاع خواجہ آصف کہتے ہیں کہ پرویز مشرف کو بیرون ملک منتقل کرنے کا کوئی فیصلہ نہیں ہوا ۔ اس حوالے سے عدالت ہی انہیں ریلیف فراہم کر سکتی ہے۔ ان کا کہنا تھا کہ ملک میں علاج معالجے کی تمام سہولتیں موجود ہیں تاہم اگر عدالت نے سابق صدر کو بیرون ملک بھجوانے کی اجازت دی تو حکومت کو کوئی اعتراض نہیں ہوگا۔ راولپنڈی کے آرمڈ فورسز انسٹیٹیوٹ آف کارڈیالوجی میں زیر علاج سابق صدر پرویز مشرف کی سکیورٹی میں مزید اضافہ کر دیا گیا ہے۔ رات گئے ہسپتال کی سکیورٹی بڑھا دی گئی۔ رینجرز کے اضافی اہلکار تین ٹرکوں میں سوار ہو کر عسکری ادارہ امراض قلب پہنچے۔ ہسپتال کے داخلی راستے عام مریضوں کے لیے بند رکھے گئے ہیں۔ ڈاکٹرز نے سابق صدر کو چند روز آرام کا مشورہ دیا ہے۔ پرویز مشرف کو نیم بے ہوشی کی حالت کی میں راولپنڈی کے عسکری ادارہ امراض قلب پہنچایا گیا جہاں ان کی ای سی جی، ایکو اور خون کے ٹیسٹ کئے گئے جس کے بعد پرویز مشرف کو انتہائی نگہداشت وارڈ میں داخل کرکے ان کا علاج شروع کر دیا گیا ہے۔ سابق صدر کی منتقلی کے بعد ہسپتال کے داخلی راستے عام مریضوں کے لیے بند کر دئیے گئے اور سیکورٹی بڑھا دی گئی۔ پرویز مشرف کی طبعیت بگڑنے کی اطلاع ملتے ہی ان کے حامی بھی گلدستے لئے ہسپتال پہنچ گئے۔ پرویز مشرف ہسپتال میں زیر علاج ہیں تو دوسری طرف آل پاکستان مسلم لیگ کے کارکنوں نے بھی ہسپتال کے باہر ڈیرے ڈال لئے ہیں۔ آل پاکستان مسلم لیگ کے کارکن رات گئے تک ہسپتال کے باہرموجود رہے اور پرویز مشرف کے حق میں نعرے لگاتے رہے۔متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.