تحریک انصاف کے ڈرون حملوں کیخلاف جاری دھرنے کو 41روز مکمل،جمعرات کو ضلع چارسدہ کے کارکنان نے دھرنا کیمپ میں ڈیوٹی دی،وفاقی حکومت کی اجازت اورتعاون کے بغیر ڈرون حملے ممکن نہیں،حکمران عوام کو دھوکہ نہ دیں،رہنماؤں کا خطاب
جمعرات 2 جنوری 2014 21:20
پشاور(اُردو پوائنٹ اخبار تازہ ترین۔2 جنوری ۔2014ء) تحریک انصاف کے زیر اہتمام ڈرون حملوں کیخلاف جاری دھرنے کو41روزمکمل ہو گئے۔جمعرات کو دھرنے کے41ویں روزپشاور ریجن اور ضلع چارسدہ کے کارکنان نے دھرنا کیمپ میں ڈیوٹی دی۔ اس موقع پر ایم پی اے عارف احمد زئی،ریجنل جنرل سیکرٹری فضل خان،ضلعی صدر و جنرل سیکرٹری اورریجنل انفارمیشن سیکرٹری ولی خان آفریدی،میجر فیاض خلیل و دیگررہنما اور اتحادی جماعتوں کے کارکنان بھی موجود تھے۔
شرکاء نے ڈرون حملوں کیخلاف احتجاجی مظاہرہ کیا۔مظاہرین سے خطاب کرتے ہوئے رہنماؤں نے وفاقی حکومت اور امریکہ سی آئی اے پر شدید تنقید کی۔انھوں نے کہا کہ پاکستانی حکومت کی اجازت اور تعاون کے بغیر ڈرون حملے ممکن نہیں۔حکمران عوام کے سامنے ڈرون حملوں کی مخالفت کرتے ہیں اور در پردہ امریکہ کو ڈرون حملوں میں تعاون فراہم کر رہے ہیں۔(جاری ہے)
ڈرون حملوں سے دہشتگردی ختم نہیں ہو گی بلکہ مزید بڑھے گی،ڈرون حملوں میں ہزاروں بیگناہ شہری،بچے اور خواتین مارے گئے۔
انھوں نے کہا کہ وفاقی حکومت ڈرون حملے روکنے کیلئے امریکہ کے سامنے دو ٹوک موقف اپنائے اور اگر اس کے بعد بھی ڈرون آئے تو اسے مارگرایا جائے۔مقررین نے ڈرون حملوں کیخلاف کامیاب دھرنے پر پارٹی کارکنان اور اتحادیوں کو مبارکباد دیتے ہوئے اس بات پر خوشی کا اظہار کیا کہ دھرنے کی وجہ سے گزشتہ 41روز سے طورخم سرحد سے نیٹو سپلائی مکمل طور پر بند ہے اور ان دنوں میں نیٹو سپلائی کی ایک بھی گاڑی نہیں گزر سکی۔ رہنماؤں نے اس عزم کا اظہار کیا کہ ڈرون حملوں کیخلاف دھرنا حملے بند ہونے تک جاری رہیگا۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.