پاک افغان طورخم بارڈر پر پاکستانی مزد وروں پر تشدد کے بعد افغانستان سے بلا پاسپورٹ اور ویزہ آنے پر پابندی ، کسی افغان کو ضروری دستاویزات کے بغیر پاکستان میں داخل ہونے کی اجازت نہیں دی جائیگی، سیکیورٹی حکام کا مئوقف، درجنوں افغانیوں کو میچنی پوسٹ سے گاڑیوں میں بیٹھا کر واپس بھیج دیا گیا ،سینکڑوں افراد طورخم سرحد کی افغان سائیڈ پر پھنس کر واپس افغانستان جانے پر مجبور ، افغان بارڈر حکام نے پاک افغان دوستی بسوں اور ایمبولینسوں کو بھی واپس کر دیا ،جن کے پاس پاسپورٹ اور پاکستانی ویزے نہیں وہ واپس چلے جائیں، طورخم سرحد پر لاؤڈ سپیکر سے اعلان
بدھ 2 جنوری 2013 20:25
(جاری ہے)
افغان بارڈر حکام نے خودپاک افغان دوستی بسوں اور ایبولینسوں کو بھی واپس افغانستان بھیج دیا اور لوگوں سے لوڈ سپیکروں پر اعلانات کر کے بتایا کہ جن کے پاس پاسپورٹ اور پاکستانی ویزے نہیں وہ واپس چلے جائیں۔
سیکیورٹی فورسز اور طورخم کی پولیٹیکل انتظامیہ نے طورخم بارڈر پر افغان باشندوں کے پاکستان میں آنے کے لئے پاسپورٹ اور ویزے کی شرط رکھتے ہو ئے ان تمام لوگوں کو بدھ کے روز طورخم بارڈر اور میچنی پوسٹ سے واپس افغانستان بھیج دیا جن کے پاس پاسپورٹ اور ان پر پاکستانی ویزے نہیں تھے جبکہ افغان مہاجر کارڈ کی معیاد اکتیس دسمبر کو ختم ہونے پر اس کو رکھنے کی بھی اجازت نہیں تھی لہذا افغان مہاجر کارڈز بھی کارآمد ثابت نہ ہو سکے۔ عینی شاہدین کے مطابق طورخم بارڈر پر سیکیورٹی فورسز اور خاصہ دار فورس کے اہلکاروں نے سختی سے پاکستان میں آنے والے افغانوں کے پاسپورٹوں کی چیکنگ کی اور جن افغانوں کے پاس پاسپورٹ پر پاکستانی ویزے نہیں تھے ان کو اس طرف آنے کی اجازت نہیں دی گئی اور اس دوران ذرائع کے مطابق افغانستان کے اپنے بارڈر حکام نے ان اپنے شہریوں کو لوڈ سپیکروں کے زریعے بتایا کہ جن کے پاس پاسپورٹ اور ویزے نہیں وہ سب واپس چلے جائیں جبکہ افغان حکام نے خود پاک افغان دوستی بسوں اور ایمبولنسوں کو بھی واپس کر دیا اور اس طرح طورخم بارڈر پر کا فی رش دیکھا گیا اور لوگوں اور ٹرانسپورٹروں کو دونوں طرف کافی مشکلات کا سامنا کر نا پڑا۔ اس بات کا اعلان تو پاکستان کی حکومت نے پہلے ہی کر دیا تھا کہ آئندہ کسی افغان کو بغیر پاسپورٹ اور ویزے کے پا کستان میں آنے کی اجازت نہیں ہو گی اس دوران صرف گاڑیوں کے ڈرائیوروں اور کنڈکٹروں کو دونوں طرف آنے کی اجازت تھی لیکن سخت چیکنگ کی وجہ سے ٹرانسپورٹروں کو بھی تکالیف کا سامنا کر نا پڑا۔ پاکستان کے بارڈر حکام نے یہ بھی واضح کر دیا کہ جو پاکستانی افغانستان سے پاکستان واپس آئینگے ان کے لئے بھی پا کستانی شناختی کارڈ رکھنا لازمی ہوگا۔ طورخم کے مقامی کاروباری افراد روح الامین، صمد خان اور دیگر افراد نے میڈیا کو بتایا کہ ویزے اور پاسپورٹ کی لازمی شرط سے مقامی قبائلی عوام، تجار اور کاروباری حضرات کو بے پناہ مشکلات کا سامنا کر نا پڑیگا۔ انہوں نے بتایا کہ کبھی پہلے قبائلی عوام نے افغانستان جانے کے لیے پاسپورٹ اور ویزے رکھنے کی ضرورت محسوس نہیں کی ہے اور اس کی انہوں نے ایک وجہ یہ بھی بتائی کہ افغانوں اور قبائلی عوام کے آپس میں خون کے رشتے ہیں جو پاسپورٹ اور ویزوں کی شرائط سے متاثر ہو نگے جبکہ کچھ لوگوں نے پاسپورٹ اور ویزے کی پالیسی کو سراہتے ہو ئے کہا کہ اس کے دونوں برادر ممالک پر مثبت اثرات مرتب ہو نگے۔ کچھ لوگوں نے اس تشویش کا اظہار کر دیا کہ ویزے اور پاسپورٹ کی شرط رکھنے سے قبائلی ٹیکسی ڈرائیوروں اور تجارت کرنے والے افراد کو بہت نقصان برداشت کر نا پڑیگا ور بعض افراد نے ویزے اور پاسپورٹ کی شرط کو دونوں ممالک کی رضامندی سے تعبیر کرتے ہو ئے کہا کہ شاید ساری بارڈر بند ہو جائے اور عسکریت پسندوں کے خلاف ایک بڑی کارروائی شروع ہو جائے ۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.