بند کریں
تازہ ترین ایڈ یشن کے لیے ابھی کلک کریں
پیر جنوری

آج کی اہم خبریں (2014-01-20)

بنوں چھاؤنی میں میران شاہ جانے کیلئے تیار سیکورٹی فورسز کے قافلہ میں دھماکہ،22کے قریب اہلکار شہید،25سے زائد زخمی، بعض کی حالت تشویش ناک،صدر، وزیراعظم اور سیاسی قائدین کی طرف سے شدید مذمت،واقعہ میں بیرونی ہاتھ ملوث ہو سکتا ہے ،حکومت اسے بے نقاب کرے،منور حسن،دھماکہ کی ذمہ داری طالبان نے قبول کر لی، فوجی چھاوٴنی پر خود کش حملے کی تحقیقات فوج کرے گی، وزیر داخلہ کا اعلان

قوم کو متحد ہو کر فیصلہ کرنا ہوگا طالبان سے مذاکرات کرنے ہیں یا فوجی آپریشن سے مسائل حل کر نا ہیں، چوہدری نثار ،ملکی دفاع کی مضبوطی،شدت پسندی کے خاتمے اور امن و امان کیلئے اندرونی سیکورٹی پالیسی آج کابینہ اجلاس میں پیش کی جائے گی، سیکورٹی پالیسی کا پہلا حصہ خفیہ،دوسرا حصہ سٹرٹیجک اور تیسرا ملک و قوم کے دفاع کو مضبوط کرنے پر مشتمل ہے،بنوں حملے کی جتنی بھی مذمت کی جائے کم ہے ، واقعہ پر آئی جی ایف سی سے تفصیلی رپورٹ طلب کر لی ہے، دفاعی اور حساس معاملات کو سیاست میں زیر بحث کہیں نہیں لایا جاتا ، حساس معاملات پر 13برس کے ناکام سیاست دان اپنی سیاست چمکا رہے ہیں،امن قائم کرنے کے لئے اگر کوئی بھی ہم سے بہتر کردار ادا کرسکتا ہے تو اس کو پورے اختیارات دینے اور ان کی قیادت میں چلنے کے لئے تیار ہیں، ملک میں 26سول و ملٹری خفیہ ایجنسیاں کام کر رہی ہے مگر بدقسمی سے ان کے درمیان رابطہ بارے آج تک کوئی اقدام نہیں اٹھایا گیا،میڈیا سے غیر رسمی گفتگو

بنوں حملہ کی ذمہ داری قبول،مزید حملوں کی دھمکی کے ساتھ ساتھ حکومت کو طالبان کی مذاکرات کی پیش کش، بیان میں کراچی سی آئی ڈی ہیڈ کوارٹر اور مہران بیس پر حملہ کی ذمہ داری بھی قبول کی،شریعت کی جس آواز کو تم بندوق کے زور پر دبانا چاہتے ہو وہ تمہارے ایونوں میں ضرور گونجے گی ، شاہد اللہ شاہد کا بیان

بنوں میں فورسز پر حملے کا دکھ ہوا اس کی ذمہ داری نوازشریف پر عائد ہوتی ہے،عمران خان ،10سال سے پاکستان امریکہ کی جنگ لڑ رہا ہے، جنگ سے 100ارب ڈالر سے زیادہ کا نقصان ہو چکا ہے ، اسکے مقابلے میں امریکی امداد اونٹ کے منہ میں زیرے کے برابر بھی نہیں، پاکستان حالت جنگ میں ہے جبکہ وزیر اعظم ن دنیا کی سیر کرنے میں مصروف ہیں،جنگ سے پاکستان کا قرضہ 15000ارب تک جا پہنچا ہے ، ہر پاکستانی بچہ 90000کا مقروض ہو چکا ہے امن کی بات کرنے والوں کو طالبان کا حامی کہا جاتا ہے ،خیبر پختونخواہ کے عوام 6ماہ سے تبدیلی کے عمل کو محسوس کر رہے ہیں،خیبر پختونخواہ میں اگر بجلی کا نظام ہمارے حوالے کیا جائے تو نہ صرف بجلی کی قیمت کم کر کے دکھائیں گے بلکہ بجلی چوری کا بھی خاتمہ کر دینگے، جلسے سے خطاب

سابق صدر پرویز مشرف کے اسپتال میں19دن مکمل،عدالتی حکم پر میڈیکل بورڈ (آج) چیک اپ کرے گا،ذرائع،اہلیہ کی مشرف سے ملاقات،ڈاکٹرز کی ٹیم بیرون ملک بھیجنے کا کوئی فیصلہ نہ کر سکی

دہشتگردی کے حالیہ واقعات اور بنوں میں پاک فوج پر حملہ، وزیر اعظم نے دورہ سوئٹزر لینڈ منسوخ کر دیا ، قوم دہشتگردی و انتہا پسندی کیخلاف متحد ہے،شہریوں اور امن وامان نافذ کرنے والے اداروں کے اہلکاروں کی قربانیاں ضائع نہیں جانے دی جائیں گی، نواز شریف

پاک ایران گیس منصوبے کو آگے بڑھانے پر حکومت کی معذوری،منصوبے کو ختم کرنے کی باتیں کوئی نئی نہیں ، ایران کو دسمبر کو آگاہ کردیا گیا تھا ،منصوبے میں بڑی رکاوٹ امریکہ اور یورپی یونین کی پابندیاں ہیں،شاہد خاقان عباسی،منصو بہ ختم بارے ایران کو آگاہ کرنے بارے کوئی اطلاع نہیں،دفتر خارجہ کا موقف

وفاقی کابینہ (آج) خصوصی اجلاس میں ملکی سیکورٹی پالیسی کی منظوری دے گی،کابینہ بھارت سے بجلی کی درآمد سمیت دیگر امور کا بھی جائزہ لے گی

سابق چیئرمین نادرا نے وفاقی وزیر داخلہ پر الزامات کو غلط فہمی کا نتیجہ قرار دیا

دہشت گردی کے خلاف حکومتی کوششیں ناکام ہونے کا اندیشہ،مذہبی جماعتیں تقسیم،ایک دھڑا طالبان سے مذاکرات ،دوسرا آپریشن کا حامی تیسرے نے پورے معاملے سے خود کو الگ کر لیا

کابل ،ریسٹورنٹ پر حملے میں سرحد پارایجنسیاں ملوث ہیں، افغانستان

ایک ارب مالیت کی ہیروئن برآمدگی کا بھارتی الزام،دونوں اطراف کے حکام کے درمیان مذاکرات ناکام ،سرینگر مظفرآباد تجارت اور بس سروس بھی معطل

کراچی ، کالعدم تنظیموں کے خلاف رینجرز کا بڑے پیمانے پر آپریشن شروع ، فضائی نگرانی کے لئے ہیلی کاپٹر کا بھی استعمال ،ٹارگٹ کلرز سمیت27 ملز مان گرفتار ،فائرنگ کے واقعات میں دو خواتین سمیت پانچ افراد زندگی کی بازی ہار گئے

تحریک انصاف، جماعت اسلامی اور عوامی تحریک کا حکومتی پالیسیوں کیخلاف متحد ہونے کافیصلہ،دہشت گردی، امن و امان کی ابتر صورتحال، مہنگائی، بجلی و گیس کی لوڈشیڈنگ ولوڈ مینجمنٹ سمیت دیگر ایشوز پرعوام میں جانے کا فیصلہ ، تحریک انصاف کے جماعت اسلامی اور عوامی تحریک سے رابطے شروع

ملک کی سرحدوں و ہوائی اڈوں سے غیر قانونی طریقے سے کروڑوں ڈالربیرونِ ملک منتقل ہورہے ہیں،گورنرا سٹیٹ بنک یاسین انور، اسٹیٹ بنک کی نشاندہی پر ایف آئی اے منی لانڈرنگ میں ملوث افراد کے خلاف کارروائی کرے گا،میڈیا سے گفتگو

ایف بی آر کی ہدایت پر ملک کی یوٹیلٹی کمپنیوں کی رجسٹرڈ صنعتی وکاروباری یونٹس سے بجلی و گیس کے بلوں پر پانچ فیصد اضافی سیلز ٹیکس وصولی کاانکشاف، یوٹیلٹی کمپنیوں کو ڈیٹا درست کرنے کے احکامات وپانچ فیصد اضافی سیلز ٹیکس کے ساتھ وصول کردہ بل کواگلے بلوں میں ایڈجسٹ کیا جائے یا اضافی رقم ریفنڈ کی جائے؛ چیئرمین ایف بی آرکو کراچی چیمبر کاخط

ملک کے36 فیصد افراد ماہانہ تین سو یونٹ سے کم بجلی استعمال کرتے ہیں، سبسڈی نہ دی گئی تو مہنگائی کی شرح مزید بڑھ سکتی ہے؛ اسٹیٹ بنک کی انرجی سیکٹرکی ر پورٹ، تین سویونٹ استعمال کرنے والے صارفین کو ماہانہ 420 روپے تک سبسڈی ملتی ہے، صوبائی حکومتوں و نجی شعبے کے ذمے واجبات کو وصول کرنے کیلئے فوری اقدمات کئے جائیں

میر علی گن شپ ہیلی کاپٹرز کی فائرنگ ‘ تین جاں بحق‘ دو زخمی

غداری کیس میں عوامی رائے ہموار نہ کرنے اور قوم کو تقسیم ہونے سے بچانے سے ناکامی پر وزیراعظم اپنی میڈیا ٹیم سے سخت ناراض ، وزیر اطلاعات سمیت وزیراعظم ہاؤس میں میڈیا سیل میں آئندہ چند دنوں میں بڑے پیمانے پر تبدیلیوں کا امکان

کشمور ،بگٹی برادری کے قافلے کو سیکورٹی اہلکاروں نے ڈولی چائنا چیک پوسٹ پر روک دیا

شمالی وزیرستان میں پولیوکے 4کیسزسامنے آگئے

امریکی فوجی روبوٹ کمپنی پاکستان کو سڑک کنارے نصب بموں کی نشاندہی اور ناکارہ کرنے والے روبوٹ فراہم کرے گی،پاکستان کی جانب سے دیے جانے والے آرڈر کی مالیت 78 لاکھ ڈالر ہے،کائنیٹک کا اعلان

پاکستان اورمراکش نے دوطرفہ تجارتی وکاروباری تعلقات کوفروغ دینے پراتفاق ،دونوں ممالک فوری بنیادوں پرترجیحاتی تجارتی معاہدے کوحتمی شکل دیکرتجارتی اورکاروباری تعاون کوفروغ دینے کوترجیح دیں گے

سنندا کی پراسرار موت، بھارتی وزیر ششی تھرور نے بیان ریکارڈ کرادیا

فاٹا میں دہشتگردی کی ذمہ داری وفاقی حکومت پر ہے،شوکت یوسفزئی،وفاقی حکومت کی سنجیدگی عابد شیرعلی کے بیان سے واضح ہے،نجی ٹی وی سے گفتگو