بند کریں
تازہ ترین ایڈ یشن کے لیے ابھی کلک کریں
ہفتہ جنوری

آج کی اہم خبریں (2014-01-04)

اردو بولنے والوں کو سندھ کا حصہ نہیں بنانا چاہتے تو الگ صوبہ بنادیا جائے،الطاف حسین،پیپلزپارٹی نے 1973ء سے لسانی فسادات کرائے ، سندھ کارڈ استعمال کرکے سندھ کے حقوق پر ڈاکہ ڈالتے رہے ، میں بات چیت کرنے کو تیار ہوں، میرے چلے جانے کے بعد فسا د ہوگا،قائد ایم کیو ایم

قائد ایم کیوایم الطاف حسین کے صوبے کے قیام کے بیان پر سیاسی رہنماؤں کا شدید ردعمل،مر جائیں گے سندھ نہیں دیں گے، بلاول بھٹو،سندھ کا ایک ٹکڑا بھی کسی کو دیں گے نہ کوئی ایسا مطالبہ کرے ، شرجیل میمن ، برطانوی حکومت الطاف حسین کے بیان کا نوٹس لے،شیریں مزاری،بیان ملک توڑنے کی سازش ہے، سید منور حسن

پرویز مشرف کو بیرون ملک جانے سے روکنے کیلئے درخواست دائر،پرویزمشرف کی صحت بہترہوگئی،کمرے میں چہل قدمی ،ہلکی خوراک بھی دی گئی،ڈاکٹروں نے مزیدٹیسٹ کرنے کافیصلہ کرلیا،علاج کے لئے بیرون ملک بھیجنے پر غور، سات رکنی میڈیکل بورڈ نے مشرف کے دل کی تین شریانیں بند ہونے کی تصدیق کر دی

نوجوانوں کیلئے قرضہ سکیم کے ایک سال بعد اچھے نتائج برآمد ہوں گے، آج تک صرف بڑے لوگوں کو قرضے دیئے گئے ،غریبوں کو کسی نے نہیں پوچھا،وزیر اعظم نوازشریف، ییلو کیب سکیم سے کچھ مفاد پرستوں نے فائدہ اٹھایا لیکن حالیہ قرضہ سکیم میں میرے سمیت کسی کی سفارش نہیں چلے گی،ملک سے سفارش کلچر ختم کر کے میرٹ عام کریں گے، کراچی سرکلرمنصوبے پرجاپان تعاون کرے گا ؛حیدرآباد میں تقریب سے خطاب

مشرف کا معاملہ پاکستان کا اندرونی معاملہ ہے ، بیرونی ممالک کا اس سے کوئی تعلق نہیں ،تسنیم اسلم ، بھارت کے ساتھ بات چیت کا سلسلہ دوبارہ شروع کرنے کے خواہش مند ہیں ، سعودی وزیر خارجہ کا دورہ معمول کا رابطہ ہے مشرف سے کوئی تعلق نہیں ، ان کے دورے کا فیصلہ ستمبر میں نیویارک میں وزیراعظم اور وزیر خارجہ کے درمیان ملاقات میں ہوا تھا ،بھارتی جیلوں میں پاکستانی قیدی گمشدہ نہیں ہیں ، آئر لینڈ اور چلی میں سفارت خانے بند کئے گئے ہیں اس کے علاوہ جو بڑے سفارت خا نوں میں بھی عملہ کم کیا جائے گا،ترجمان دفتر خارجہ کا بیان

الیکشن کمیشن پنجاب کونئی حلقہ بندیوں کے حوالے سے لاہور ہائیکورٹ کا تحریری فیصلہ موصول نہ ہو سکا،لاہور سے بلدیاتی انتخابات میں حصہ لینے والے امیدواروں کے کاغذات نامزدگی کی جانچ پڑتال کا سلسلہ جاری

کالا باغ ڈیم کی تعمیر کے حوالے سے تحریک انصاف کا موقف بالکل واضح ہے ہم سمجھتے ہیں کہ ملک میں پانی کے ذخائر قومی اتفاق رائے دہی سے تعمیر کیے جائیں،عمران خان

پاکستان کے بیرونی زرمبادلہ کے ذخائر انتہائی کم سطح پر آگئے ہیں،آئی ایم ایف، ادائیگیوں کے توازن کو بھی اہم خطرات ہیں ، جی ڈی پی کی شرح میں بہتری کی توقع ہے ، مہنگائی میں اضافہ ہو گا،۔آئی ایم ایف کی قرض پروگرام کی پہلی سہ ماہی کی جائزہ رپورٹ

دسمبر2013 ء میں 9 لاپتہ افراد کو بازیاب کیا گیا،مجموعی طور پر 1395 میں سے548 مقدمات نمٹائے جا چکے ہیں، لاپتہ افراد کے تحقیقاتی کمیشن کا بیان

انقلاب الیکشن کے ذریعے نہیں عوام کے ذریعے آئے گا،ڈاکٹر طاہر القادری ،کروڑوں،اربوں کرپشن کرنے والوں کو انقلاب کی ضرورت نہیں،ایسا نظام لائیں گے جس میں جعلی الیکشن اور عدالتوں کا تقدس مجروح نہ ہو، پاکستان عوامی تاجر اتحاد کے وفد سے بذریعہ ویڈیو کانفرنس گفتگو

چین نے مسئلہ کشمیر پر ثالثی کی پیشکش کر دی،پاکستان اور بھارت کے درمیان ثالثی کے لئے تیار ہیں،دونوں ممالک کے درمیان مسئلے کا فوری حل موجودہ وقت کا تقاضا ہے،پاکستان کا جوہری پروگرام پرامن مقاصد کے لئے ہے، ترجمان چینی وزارت خارجہ،مسئلہ کشمیر پر پاکستان اور بھارت کے درمیان نئی خفیہ ڈپلومیسی کا انکشاف،پاکستان کی ترکی کو ثالثی کی پیشکش کش،وزیر اعظم رجب طیب اردوان نے حالیہ دورہ پاکستان میں پیشکش قبول کرلی،جلد ترک وزیر اعظم کا دورہ بھارت کابھی امکان ہے، رپورٹ

اسلام آباد ، سیکٹر آئی ایٹ میں نامعلوم موٹر سائیکل سواروں کی گاڑی پر فائرنگ، اہلسنت و الجماعت اسلام آباد کے جنرل سیکرٹری مفتی منیر معاویہ اور رکن اسد محمود جاں بحق،پولیس نے علاقے کو گھیرے میں لے کر ملزمان کی تلاش شروع کردی ، دونوں افراد کی نعشیں پمز ہسپتال منتقل کردی گئیں،مفتی منیر معاویہ گولڑہ جارہے تھے کہ آئی ایٹ میں فرقان چوک پر نامعلوم موٹر سائیکل سواروں نے ان کی گاڑی کو نشانہ بنایا ،ر انہیں ٹارگٹ کرکے قتل کیا گیا ہے، ترجمان اہلسنت و الجماعت کا کئی علاقوں میں احتجاج

سابق وزیراعظم راجہ پرویز اشرف کیخلاف رینٹل پاور کیس کی سماعت 17جنوری تک ملتوی، پرویز اشرف پر مالی کرپشن کے تمام الزامات بے بنیاد ہیں،وکیل فاروق ایچ نائیک،عدالت نے نیب کو مقدمے سے غیر متعلقہ افراد کے نام خارج کرنے اور حتمی چالان پیش کرنے کا حکم دے دیا

دھوکہ دہی کے مقدمات کو فوری نمٹا کر وصول کردہ رقم متاثرین کو ادا کی جائے‘ قمر زمان چوہدری،مقدمات جلد نمٹا کر قومی خزانے کو نقصان سے بچایا جائے‘ چیئرمین نیب کا علاقائی ہیڈ کوارٹر کے دورہ کے موقع پر خطاب

پاکستان اورامریکہ کے مذاکرات بہتراندازمیں چل رہے ہیں: پاکستانی سفیر ، نواز شریف کی قیادت میں پاکستان ہمسایہ ممالک کے ساتھ ساتھ اہم طاقتوں کے ساتھ تعلقات کے بارے میں مثبتپالیسی پر عملدرآمد کر رہا ہے، جلیل عباس جیلانی

پرویز مشرف کی طبیعت خراب ہونے سے متعلق نئی تفصیلات سامنے آگئیں ،سابق صدر کا جسم ٹھنڈا پڑنے ،سینے اوربازو میں درد ہونے پر ساتھ بیٹھے شخص نے زبان کے نیچے رکھنے والی گولی دی، ذرائع

تین نومبر کے اقدام کے حوالے سے آئین کے مطابق پرویز مشرف کے خلاف کیس سول کورٹ میں چل سکتا ہے اگر فوجی جرائم ہوتا تو ملٹری کورٹ میں کیس چلتا، سید خورشید احمد شاہ،آئندہ ا سمبلی اجلاس میں ضرور شرکت کریں گے اگر حکومت تماشا کرے گی تو اپوزیشن بھی تماشا کرے گی۔ جمہوری ادوار میں جتنے بھی فیصلے ہوتے ہیں وہ مشاورت سے کئے جاتے ہیں ، سیاستدان نہیں ڈرتا سیاستدان مشکلات سے نہیں بھاگتا، پیپلزپارٹی لانگ مارچ اور سیاسی محاذ آرائی پر یقین نہیں رکھتی، پریس کانفرنس

سینٹ میں حزب اختلاف کا مشرف کی عدالت پیشی کی بجائے ہسپتال میں داخلے کے معاملے پر احتجاج ،مشرف کے بیانات پر فوج کی جانب سے بیان نہ آنے سے شکوک وشبہات پیدا ہورہے ہیں، فرحت اللہ بابر ، فوج کو اس طرح کے معاملات میں نہ گھسیٹا جائے،راجہ ظفر الحق

یو ایس ایف فنڈ سے ٹیکس کی مد میں 6 ارب روپے کی کٹوتی کی، انوشہ رحمن ، فنڈز کے استعمال کا مقصد تبدیل نہیں ہوا، 2013-14ء کے منصوبوں کے لئے پہلی قسط جاری کر دی گئی،سینٹ میں اظہا ر خیا ل

پرویز مشرف کا مسئلہ پاکستان کا اندرونی معاملہ ہے،برطانیہ

پرویز مشرف کی بیرون ملک روانگی کا فیصلہ میڈیکل رپورٹ کرے گی ، احمد رضا قصوری،مشرف ابھی انتہائی نگہداشت وارڈ میں ہیں، ڈاکٹر کی رائے حتمی ہوتی ہے، چھ جنوری کو رپورٹ آجائے گی جسے کوئی چیلنج نہیں کرسکتا وہ فائنل ہوگی، عدالت کواسے قبول کرنا پڑے گا ،میڈیا سے گفتگو

تحریک انصاف نے نیٹو سپلائی بند کرکے پشتونوں سے روزگار چھین لیا،حاجی عدیل،حکومت کی رٹ کئی نظر نہیں آرہی امن وامان کی صورتحال بدتر ہوتی جارہی ہے‘ وزیراعظم اسمبلی یا سینٹ میں آئیں اگر وہ اسمبلی میں نہیں آسکتے تو اسمبلی کے ر کن کیوں منتخب ہوئے تھے ، حکومت چند خاندانوں کو فائدہ پہنچانے کیلئے سرکاری اداروں کو پرائیویٹائز کررہی ہے، سینیٹ میں اظہا ر خیا ل

چیئرمین سینیٹ نے سعودی عرب میں پاکستانی سفیر نعیم خان سمیت دیگر سفارتکاروں کیخلاف تحریک استحقاق قائمہ کمیٹی قواعد وضوابط کوبھیج دی، پا کستا نی سفارتخانہ نے ملک کے وقار کو خاک میں ملاتے ہوئے مجھے انتقام کا نشانہ بنایا، سینیٹر سحر کامران

پا کستا ن سے اغواء ہو نے والے امریکی شہر ی وارن وین اسٹین کے اہلخا نہ کی اغواء کا رو ں سے وین اسٹین کی رہا ئی کی اپیل،حال ہی میں جاری کردہ ویڈیو سے وین اسٹین کے زندہ ہونے کا یقین نہیں ہوا:خاندان

پرویز مشرف معاملے میں مداخلت نہیں کرنا چاہتے‘ یہ حکومت اور عدالت کا معاملہ ہے‘ فضل الرحمن،مولانا سمیع الحق کو طالبان سے بات چیت کا ٹاسک دینے میں سنجیدگی نظر نہیں آتی‘ جے یو آئی (ف) کے سربراہ کی نجی ٹی وی سے گفتگو

فرنٹیئر کور بلوچستان کے عملے نے دو مختلف کارروائیوں میں ضلع راجن پور سے اغواء ہونے والے اور صوبہ پنجاب کے علاقے خانیوال سے لائے جانے والے مزدوروں کو بیگار کیمپ سے بازیاب کراکر دو اغواء کاروں کو گرفتار کرلیا