سبی ٹرین دھماکے میں جاں بحق ہونے والے 17 میں سے آٹھ افراد کا تعلق ایک ہندو خاندان سے تھا

ہفتہ 12 اپریل 2014 16:10

سبی (اُردو پوائنٹ تازہ ترین اخبار۔ 12اپریل 2014ء)سبی کے ریلوے سٹیشن پر آٹھ اپریل کو ٹرین دھماکے میں جاں بحق ہونے والے 17 میں سے آٹھ افراد کا تعلق ایک ہندو خاندان سے تھا ، متاثرہ خاندان کو لاشوں کے حصول میں اذیت ناک صورت حال سے گزرنا پڑ رہا ہے۔برطانوی میڈیا کی رپورٹ کے مطابق بد قسمت خاندان کا تعلق بلوچستان کے علاقے نوشکی سے ہے جس کے بعض افراد وقوع کے روز ایک مذہبی رسم کی ادائیگی کیلئے سندھ کے شہر شکار پور جا رہے تھے۔

بعض شواہد کے باوجود یہ ہندو خاندان تاحال اپنے پیاروں کی لاشیں حاصل نہیں کر سکا۔ سول ہسپتال کوئٹہ کے میڈیکل لیگل آفیسر ڈاکٹر علی مردان نے اس بات کی تصدیق کرتے ہوئے بتایا کہ عام طور پر بم دھماکے کے بعد جاں بحق اور زخمی ہونے والے افراد کے جسموں پر بم کے ٹکڑے لگنے سے جو نشان ہوتے ہیں وہ ان 12 لاشوں پر نہیں تھے۔

(جاری ہے)

ڈاکٹر علی مردان نے بتایا کہ مزید تین لاشوں کی شناخت کے بعد اب سول ہسپتال کوئٹہ میں نو لاشیں پڑی ہیں جن میں سے آٹھ کا تعلق ایک ہندو خاندان سے ہے۔

آٹھ اپریل کو سبی کے ریلوے سٹیشن پر ٹرین دھماکے میں جاں بحق ہونے والے زیادہ تر لوگ بم دھماکے بعد بوگی میں لگنے والی آگ کے باعث جھلسنے سے جاں بحق اور زخمی ہوئے تھے۔خیال رہے کہ ہندو اپنے مردوں کو جلاتے ہیں جس کے باعث یہ خدشہ ہے کہ ڈی این اے ٹیسٹ کے نتائج سے قبل کسی مسلمان کی لاش ان کے پاس نہ چلی جائے جو بعد میں کسی تنازع کا باعث بنے اور اسی وجہ سے یہ لاشیں متاثرہ خاندان کے حوالے نہیں کی گئیں۔

Facebook Twitter Reddit Pinterest Whatsapp

سیبی میں شائع ہونے والی مزید خبریں

بی ،نامعلوم افراد کی فائرنگ سے ایک شخص کو قتل

سبی میں نامعلوم مسلح ملزمان کی فائرنگ، ڈی ایس پی خالد زمان جاں بحق

سبی ،نامعلوم افراد کی فائرنگ سے سابق ایس پی سی ٹی ڈی میر خالد زمان مری شہید ،2افراد زخمی

سبی میں میونسپل کمیٹی سبی کے سامنے رمضان سستا بازار کا انعقاد

رمضان المبارک کے سلسلے میں لوگوں کو رمضان المبارک میں سستی اشیاء فراہم کرنے کے سلسلے میں ضلعی انظامیہ ..

سبی، بلوچستان ریڈرز کلب کے زیر اہتمام سبی پریس کلب کے سامنے دو روزہ کتب میلہ کا انعقاد

سبی کے انوائرمنٹل سیمپل میں پولیو وائرس کا مثبت آنا باعث تشویش ہے ، سید زاہد شاہ

سبی پولیس کی جانب سے اور الخدمت فاؤنڈیشن کے تعاون سے پولیس لائن سبی میں پودے لگا کرشجرکاری مہم کا آغاز

سبی کا تاریخی میلہ پورے اہمیت کا حامل ہے ، ڈاکٹر خدائے رحیم

سبی کا تین روزہ عالمی تبلیغی اجتماع ملک و امت مسلمہ کی سلامتی کی دعائوں کے ساتھ اختتام پذیر ہو گیا

انتخابات میں مبینہ دھاندلی کیخلاف سیاسی جماعتوں کی جانب سے سبی میں مکمل شٹرڈائون ہڑتال ،تمام کاروباری ..

سبی ٹرین دھماکے میں جاں بحق ہونے والے 17 میں سے آٹھ افراد کا تعلق ایک ہندو خاندان سے تھا

سیبی میں شائع ہونے والی مزید خبریں

سیبی سے متعلقہ

پاکستان کی تازہ ترین خبریں

پاکستان کے مشہور شہروں کی خبریں