تاجروں اور صنعتکاروں کے مسائل حل کرنے اور مراعات فراہم کرنے سے ہی ملک میں صنعتی ترقی کا پہیہ تیز کیا جا سکتا ہے،چوہدری ارشد حسین

ہفتہ 9 اگست 2014 22:25

ساہیوال (اُردو پوائنٹ تازہ ترین اخبار۔ 9اگست 2014ء)ساہیوال چیمبر آف کامرس اینڈ انڈسٹری کے صدر چوہدری ارشد حسین نے کہا ہے کہ تاجروں اور صنعتکاروں کے مسائل حل کرنے اور انہیں صنعتوں کے قیام کیلئے مراعات فراہم کرنے سے ہی ملک میں صنعتی ترقی کا پہیہ تیز کیا جا سکتا ہے جس سے نہ صرف ملکی معیشت بہپتر ہو گی بلکہ مقامی سطح پر روزگار کے مواع بھی میسر آئیں گے ۔

ساہیوال چیمبر مقامی صنعتوں کی تیار اشیاء کی بیرون ملک بر آمد کیلئے اہم کردار ادا کر رہی ہے تا کہ یہاں کی صنعتوں کو بھی بیرون ملک منڈیوں تک رسائی ہو ۔وہ یہاں ڈیمو کریٹک گروپ کی طرف سے عید ملن پارٹی کی تقریب سے خطاب کر رہے تھے جس میں گروپ کے چیئرمین شیخ عظمت سلیم ،سینئر نائب صدر کے ایم خان ،سابقہ نائب صد ر شیخ محمد اکرام اور سہیل انجم انصاری کے علاوہ تاجروں اور صنعتکاروں کی بڑی تعداد نے شرکت کی ۔

(جاری ہے)

انہوں نے کہا کہ ساہیوال چیمبر نے خطے میں صنعتوں کے فروغ کے ساتھ ساتھ شہر کی ترقی میں بھی ہمیشہ بڑھ چڑھ کر حصہ لیا ہے اور یہاں کی کاروباری برادری اپنی سماجی ذمہ داریوں کو اھسن طریقے سے پورا کر رہی ہے ۔انہوں نے کہا کہ ڈیمو کریٹک گروپ نے چیمبر میں جمہوریت کو فراغ دیا اور اجتماعی و انفرادی مسائل حل کرنے کو اولین ترجیح دی تا کہ کاروبار کیلئے ساز گار ماحول پیدا کیا جا سکے ۔

چوہدری ارشد حسین نے کہا کہ ساہیوال چیمبر مقامی صنعتوں کی پیدا وار کو بیرون ملک بر آمد کرنے کیلئے نئی منڈیوں کی تلاش میں مدد فراہم کرنے کے ساتھ ساتھ ضروری سہولیات بھی فراہم کر رہی ہے جس سے مقامی صنعتوں کو فروغ ملے گا اور روزگار کے مزید مواقع میسر ہوں گے ۔انہوں نے بتایا کہ چیمبر کی کوششوں سے سوشل سیکورٹی ڈسپنسری کو اپ گریڈ کر کے 30 بستر کا ہسپتال بنا دیا گیا ہے جس سے مزدوروں کو بہتر طبی سہولیات دستیاب ہوئی ہیں جبکہ ساہیوال میں سٹیٹ بینک کی برانچ کے قیام کی کوشش بھی آخری مراحل میں ہے ۔

ڈیمو کریٹک گروپ کے صدر شیخ عظمت سلیم نے اپنے خطاب میں گروپ کی چار سالہ کاکرکردگی پر تفصیلی روشنی ڈالی اور ممبران کو چیمبر کے اگلے ماہ ہونیوالے انتخابات میں ڈیمو کریٹک گروپ کے امیدواروں کو کامیاب بنانے کی امید کی تا کہ ترقی کے عمل کو جاری رکھا جا سکے ۔

ساہیوال میں شائع ہونے والی مزید خبریں