پشتونوں کے حقوق پر ڈاکہ ڈالنے والوں کو کسی صورت معاف نہیں کرئینگے٬ اصغر خان اچکزئی

پشین (اُردو پوائنٹ اخبارتازہ ترین - آن لائن۔ 14 اکتوبر2016ء) صوبائی صدر عوامی نیشنل پارٹی حاجی اصغر خان اچکزئی نے کہا کہ پشتون قوم آگ میں جل رہی ہے اللہ کا شکر ہے ہمارے ہاتھ خون سے رنگے نہیں ہیں پشتون کو کوئی طعنہ نہیں دے سکتا پشتونوں کے حقوق پر ڈاکہ ڈالنے والوں کو کسی صورت معاف نہیں کرئینگے پاک چائنا اکنامک کوریڈور منصوبے کا رخ موڑ کر پنجاب چائنا اکنامک جبکہ گوادر تا کاشغر روٹ لاہور تا کاشغر بنادیا گیا ہے جس میں تمام تر مراعات پنجاب کو ملیں گی کوئی مائی کا لال پشتون کو دہشتگرد اور غدار قرار نہیں دے سکتا تاریخ گواہ کہ پشتونوں نے ملک و قوم کی سالمیت و دفاع کیلئے کافی قربانیاں دی ہیں لیکن اب سوچے سمجھے منصوبے کے تحت بلوچستان سندھ اور فاٹا میں انکی نسل کشی کی جارہی ہے پشتون قوم پر ظلم و بر بریت کی انتہاء کردی گئی ہے صوبائی حکومت عوام کو تحفظ فراہم کرنے میںمکمل ناکام ہوچکی ہے سانحہ 8 اگست کے ملزمان کون ہیں سب جانتے ہیں کافی لاشیں اورجنازے اٹھائے ما$ں اور بہنوں کو رولایا گیا یتم بچوں کو دلاسا دے دے کر تھک چکے ہیں بے گناہ پشتون کے خون کے ایک ایک قطرے کا حسا ب لیا جائیگا ان خیالات کا اظہار انہوں نے پشین میں کارپوریشن صدر سید عبدالباری غرشین کی زیر صدارت منعقدہ ورکرز کنونشن سے خطاب کرتے ہوئے کیا اس موقع پر صوبائی جنرل سیکرٹری حاجی نظام الدین کاکڑ صوبائی نائب صدر حاجی اصغر علی ترین مرکزی کمیٹی ممبر عبیداللہ عابد ضلعی صدر عبدالباری کاکڑ حاجی سیف اللہ خاکسار مرکزی کمیٹی ممبر حاجی عبدلباری کاکڑ حاجی علا$الدین اور نائب صدر ملک صادق کاکڑ نے بھی خطاب کیا صوبائی صدر اصغر خان اچکزئی نے کہا کہ صوبے میں لاقانونیت بدامنی بڑھتی جارہی ہے امن دشمن عناصر بے قابو ہوگئے انہیں راستہ دینے والوں کو عوام کے سامنے لاکر بے نقاب کرئینگے پشتون اولس دربدر اور مایوسی کے شکار ہیں انہوں نے کہا کہ امن وامان کی مخدوش صورتحال٬سانحہ سول ہسپتال اور گوادر تا کاشغر روٹ سمیت دیگر مسائل کیخلاف 26اکتوبر کو کوئٹہ میں اے این پی کا مرکزی جلسہ پاور پلس ہوگا ۔