خواتین نرسوں کو گرفتار کر کے صوبے کی روایات کی دھجیاں اڑا دی گئیں، میاں افتخار حسین
نرسنگ سٹاف پنجاب میں اپنے مطالبات کیلئے احتجاج کرے تو جائز لیکن خیبر پختونخوا میں نا جائز کیوں ہے؟ اقتدار کیلئے مہینوں دھرنا دینے والی پی ٹی آئی خواتین کا دھرنا ایک دن کیلئے بھی نہ برداشت کرسکی،،صوبے کے عوام اپنے محسنوں کی صحیح پہچان کر پاتے تو خیبر پختونخوا پر آج دشمن قابض نہ ہوتے،سیکرٹری جنرل عوامی نیشنل پارٹی
جمعہ 3 جون 2016 17:48
پشاور(اُردو پوائنٹ اخبارتازہ ترین - این این آئی۔03 جون۔2016ء) عوامی نیشنل پارٹی کے مرکزی سیکرٹری جنرل میاں افتخار حسین نے نرسنگ سٹاف کے دھرنے پر شب خون مارنے اور ان پر تشدد و گرفتاریوں کی شدید الفاظ میں مذمت کی ہے اور واضح کیا ہے کہ اے این پی اپنے حقوق کیلئے مظاہرہ کرنا والی نرسوں کے ساتھ ہے اور ہر فورم پر ان کیلئے آواز اٹھاتی رہے گی،اپنے ایک بیان میں انہوں نے کہا کہ دھرنا اور مظاہرہ کرنے والی نرسنگ ایسوسی ایشن کے مطالبات جائز ہیں اور پروموشن،الاؤنسزاورسروس سٹرکچر تمام ملازمین کا جائز حق ہے، انہوں نے سوال کیا کہ کیا یہی وہ انصاف تھا جس کا عمران خان نے وعدہ کیا اور پختونخوا کی تاریخ میں خواتین ورکرز کو گرفتار کر کے جیل بھجوا دیا ، انہوں نے اس امر پر حیرت و افسوس کا اظہار کیا کہ نرسنگ سٹاف پنجاب میں اپنے مطالبات کیلئے احتجاج کرے تو تحریک انصاف ان کے مطالبات کو جائز قرار دیتی ہے لیکن اپنی حکومت میں وہی مطالبات ناجائز اور غیر قانونی ہیں،انہوں نے کہا کہ خواتین کو گرفتار کر کے صوبے کی روایات کی دھجیاں اڑائی گئی ہیں جو حکومت کیلئے باعث شرم ہے، انہوں نے کہا کہ دوغلی پالیسی کی سیاست پی ٹی آئی کا وطیرہ رہا ہے اور عمران خان واقعی یو ٹرن کے ماسٹر ہیں، میاں افتخار حسین نے کہا کہ اقتدار کیلئے کئی ماہ تک ڈی چوک اسلام آباد میں تھرڈ امپائر کی توقع پردھرنا دیا گیا جس نے ملک کو اقتصادی طور پر شدید نقصان پہنچایا لیکن غریب ملازمین کا اپنے جائز حق کیلئے دھرنا حکومت ایک دن بھی برداشت نہیں کر سکی ، انہوں نے افسوس کا اظہار کرتے ہوئے کہا کہ اگر صوبے کے عوام اپنے محسنوں کی صحیح پہچان کر پاتے تو آج خیبر پختونخوا پر دشمن قابض نہ ہوتے ،مرکزی جنرل سیکرٹری نے تمام نرسنگ سکول بند کرنے، ہاسٹل خالی کرانے اور متعدد نرسنگ سٹوڈنٹس کو فارغ کرنے کے حکومتی اقدامات کی بھی مذمت کی اور کہا کہ حکومت ہوش کے ناخن لے اور مذموم اقدامات سے گریزکرے،انہوں نے کہا کہ حکومت مطالبات ماننے کو بھی تیار نہیں اور ان کے پر امن احتجاج کو بھی برداشت نہیں کر سکتی،جو اس بات کا ثبوت ہے کہ حکمرانوں کو عوامی مسائل کا کوئی ادراک نہیں،انہوں نے حکومت کو کڑی تنقید کا نشانہ بناتے ہوئے کہا کہ نرسنگ سٹاف پر تشدد ، گرفتاریاں اور ان کو ہراساں کرنا دراصل اختیارات کا ناجائز استعمال ہے، انہوں نے کہا کہ حکومت نرسنگ سٹاف کے جائز مطالبات تسلیم کرتے ہوئے ان کی رہائی کو یقینی بنائے، انہوں نے سول سوسائٹی اور تمام سیاسی جماعتوں سے ایک بار پھر اپیل کی کہ وہ آگے آئیں اور نرسنگ سٹاف کے اس جائز جدوجہد میں ان کا ساتھ دیں۔
متعلقہ عنوان :
پشاور میں شائع ہونے والی مزید خبریں
وزیراعلیٰ خیبرپختونخوا کے مشیر خزانہ مزمل اسلم کی زیر صدارت ٹرانس پشاور اور کیپوما کا اجلاس
کمشنر پشاور کا سوشل میڈیا پر وائرل ویڈیو کا نوٹس، بیروزگار نوجوان کو نوکری اور بچوں کی سرکاری اخراجات ..
کمشنر پشاور ڈویژن کا جمرود کا دورہ، خیبر پاس اکنامک کوریڈور کیلئے مختص مقامات سمیت اکنامک زون اراضی ..
سیکرٹری ٹرانسپورٹ خیبرپختونخوا کا ڈائریکٹر ٹرانسپورٹ کے ہمراہ آر ٹی اے ملاکنڈ کا دورہ
وزیرصحت سید قاسم علی شاہ نے بچے کو پولیو کے قطرے پلاکر صوبے میں انسداد پولیو مہم کا افتتاح کردیا
پنجاب کی ڈرامہ کوئین مریم نواز نے پولیس کے روپ میں جلوہ گر ہوکر ایک نئی قسط ریلیز کردی ،بیرسٹر ڈاکٹرسیف
عمران خان کی فلاحی ریاست کے قیام کے وژن کے تحت عوام کی فلاح وبہبود کیلئے اقدامات اٹھائے جارہے ہیں،ملک ..
کیپٹل میٹروپولیٹن کے زیر انتظام تعلیمی اداروںکو دیگر بہترین تعلیمی اداروں کی فہرست میں لائینگے ،ْ رحمان ..
پشاور کی عظمت رفتہ اور رونقیں بحال کرینگے ،ْ حاجی زبیر علی
گندھارا ہندکو اکیڈمی کی 4کتابیں ایوارڈز کے لئے نامزد ّ
صحتمند معاشرے اور بیماریوں کو جڑ سے اکھارنے کیلئے شعبہ صحت میں تحقیق انتہائی ضروری ہے، حاجی غلام علی ..
عوامی شکایات پر فوڈ اتھارٹی کے صوبہ بھر میں ہسپتالوں کی کنٹینر پر چھاپے، لیڈی ریڈنگ ہسپتال پشاور کی ..
پشاور سے متعلقہ
پاکستان کی تازہ ترین خبریں
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
سونے کی قیمتوں میں اضافے کا رجحان برقرار
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
محمود خان اچکزئی کے وارنٹ گرفتاری جاری
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار